“اللي بيعمل أي حاجة حتى لو كانت كويسة أو مهمة أو حتى "مفروضة من الإله" من غير ما يفكر، يبقى هو اللي وصفه التعبير القرآني العبقري: كمثل الحمار يحمل أسفارًا (أسفار يعني كتب)؛ يشيل الكتب زي بالظبط الحمار ما بيشيل البرسيم، زي بالظبط ما بيشيل فراولة، زي بالظبط ما بيشيل قوالح الدرة.. كلهم عنده سواء”

“المجهود اللي بيبذلوه الناس في تخبية عيوبهم أو التنكر من انفسهم أو إدعاء أي كذبة هو غالبا أقل من اللي محتاجين يبذلوه عشان يبقوا فعلا بني آدمين أحسن ماعندهمش حاجة يستخبوا منها و لا يخبوها”

“بس اللي متأكد منه بقه هو ان أكبر و أعظم موهبة في الدنيا هي موهبة الحياة نفسها. و أعتقد كمان ان الموهبة دي تحديديا كل البشر مزودين بيها. الموهبة اللي تقدر تمكنك من انك تعيش الدنيا بتوازن؛ تحب الحياة بس ما تتعلقش بيها, تختلف عن الاخرين بس ما تكرهمش, تنتمي لأي حاجة بس من غير تعصب, تسامح بس ما تنساش, ترفض بتعقل, تفرح باتزان, تعيش بس ما تنساش الموت, تتخيل بس ما تبعدش عن الحقيقة, تبقى طموح بس ما تطمعش, تسأل بس ما تكفرش , تعيش باتزان.”

“الرباعية الجاهينية بتقول: لا تجبر الإنسان ولا تخيرهيكفيه ما فيه من عقل بيحيرهاللي النهارده بيطلبه ويشتهيههو اللي بكرة بيشتهي يغيره”

“الدليل على ان روحك بتكبر فعلا هو ان مفاهيمك تتغير, مش مبادءك ,مفاهيمك, الشخص اللي روحه بتكبر ده بيتعلم, ومادام بيتعلم لازم ما يفضلش يشوف الحاجات من نفس وجهة النظر”

“إزاي في عالم كله معمول من قزاز ما تترعبش لَكل حاجة تتكسر!”

“ كُل واحد فينا دايمًا "بينضَح" بحاجة من اللي جُوّاه ، أنا رأيي : سيبَك خالِص من الناس بينضحوا بإيه ، لو راقبت اللي بينضح منّك أنت ! ممكن تعرف وبسهولة أنت فعلًا عامل إزّاي ... " ”