“الأفكار " حرهـ حرية مطلقة الأفعال هي فقط " محدودهـ”

“بس اللي متأكد منه بقه هو ان أكبر و أعظم موهبة في الدنيا هي موهبة الحياة نفسها. و أعتقد كمان ان الموهبة دي تحديديا كل البشر مزودين بيها. الموهبة اللي تقدر تمكنك من انك تعيش الدنيا بتوازن؛ تحب الحياة بس ما تتعلقش بيها, تختلف عن الاخرين بس ما تكرهمش, تنتمي لأي حاجة بس من غير تعصب, تسامح بس ما تنساش, ترفض بتعقل, تفرح باتزان, تعيش بس ما تنساش الموت, تتخيل بس ما تبعدش عن الحقيقة, تبقى طموح بس ما تطمعش, تسأل بس ما تكفرش , تعيش باتزان.”

“مش لازم تطلع الأول، ومش لازم تبقى أشطر واحد، ومش لازم تبقى شاطر أصلا،ومش لازم حتى تنجح أساساً.لازم لازم تبقى نفسك، لازم لازم تبقى كويس، لازم لازم تبقى شريف، بس مش لازم تبقى بطل!”

“ش لازم تبقى سقراط وتبقى أول واحد فى التاريخ المكتوب تسال يعنى إيه عدالة فيعمل تغيير . مش شرط تحارب علشان الحرية والمساواة , مش شرط تبقى غاندى ولا مانديلا ولا مالكوم إكس ولا جيفارا علشان تعمل تغيير . مش لازم تغير كل الدنيا علشان تعمل تغيير . ممكن تغير حته بس .. حته صغيرة على قدك بس . تعلم أى حد أى حاجة تبقى غيرت الدنيا . تتكلم مع واحد صاحبك متضايق ومكتئب ويقوم من القعدة دى وهو عنده امل ومفرفش , بس كده تبقى غيرت الدنيا . تبقى لطيف مع حد فتخليه يبقى لطيف مع حد وهلم جرا تبقى غيرت الدنيا . تشيل ورقة مرمية على الأرض تبقى غيرت الدنيا , علشان من غيرك كان فيه ورقة مرمية على الأرض وبيك مابقاش فيه ورقة مرمية , يبقى أنت غيرت الدنيا”

“المصايب مش بتحصل للناس اللي في الجرنال بس!”

“الصدف ما بتتحكمش في حياتك لإنك مش صدفة، إنت نفسك قدر.”

“ كُل واحد فينا دايمًا "بينضَح" بحاجة من اللي جُوّاه ، أنا رأيي : سيبَك خالِص من الناس بينضحوا بإيه ، لو راقبت اللي بينضح منّك أنت ! ممكن تعرف وبسهولة أنت فعلًا عامل إزّاي ... " ”