أحمد العسيلي

“كفياه بكا على اللبن المسكوب ارجوكو”

“الإستسلام للرب الخالق موضوع بس الإستسلام لآفكار ولبني آدميين بُيخطئوا قبل يصيبوى موضوع مُختلف تماما”

“رجل الدين الحقيقي هو اللي بيلاقي طريقه لقلوب الناس , مش الي عايز حُكم ديني يديله سلطة عليهم”

“أحلى مافي الدُنيا... أصعبها”

“والليّ مايشوفش غيّر نفسه يبقى مايستحقش يشوف”

“الرباعية الجاهينية بتقول: لا تجبر الإنسان ولا تخيرهيكفيه ما فيه من عقل بيحيرهاللي النهارده بيطلبه ويشتهيههو اللي بكرة بيشتهي يغيره”

“الدليل على ان روحك بتكبر فعلا هو ان مفاهيمك تتغير, مش مبادءك ,مفاهيمك, الشخص اللي روحه بتكبر ده بيتعلم, ومادام بيتعلم لازم ما يفضلش يشوف الحاجات من نفس وجهة النظر”

“مش لازم تليق على الناس خالص لو مش عايز, بس لازم تليق على نفسك , ليق على نفسك بس هتبقى رائع, حتى لو انت وحش, وحاشتك هتبقى ساعتها بتاعتك, فحتبقى رائع الوحاشة”

“تعالوا الاول نعرف الديمقراطية ، ديمقراطيه يعنى حُكم الشعبوحُكم الشعب يعنى حاجتين فى الاساس : انتخابات " حُره و نزيهه" التعقيد جاى من الكلمتين اللى بنسمعهم طول الوقت دول"حره ، نزيهه" ... مع ان تعريفهم يبدو سهل برضه: الحُريّه يعنى ماحَدّش يُجبُرحد على أى أختيار كان، أثناء عمليه التصويت أو الأنتخاب ، و النزاهه يعنى ماحَدش يلعب فى نتائج أى انتخابات أو تصويت . كويس جداًلحدد دلوقتى كُل الناس مُتفّقين ، نيجى بقه للمشكله والمعضله والعقده ، والمأزق و الفخ و الكمين , ألا و هو , نوع المواطن اللى بيدلى بصوته فى أى انتخابات او أى تصويت , يعنى ببساطه عشان يبقى عندك نظام ديمقراطى ( بالمفهوم المتعارف عليه ) ناجح فعلاً, لازم يبقى عندك شعب بحاله موضع ثقه , لان مجموع أصوات الشعب بحاله هو اللى بيقرر مين اللى حيمثله فى البرلمان و مين اللى حيحكمه.و الفخ واضح طبعاً , لو عندك شعب فقير مثلاً وحَد اداله فلوس ممكن ينتخبه , لو عندك شعب محروم من الخدمات مثلاً و حد قدمله الخدمات دى ممكن برضه ينتخبه... لو عندك شعب عاطفى مثلاً ممكن بسهوله عواطفه تأثر على قراره . و الاخطر من ده كله انك لو عندك شعب ساذج او جاهل او مايعرفش فين مصلحته لاى سبب ممكن حد ذكى يضحك عليه فبرضه ينتخبه و بالتالى تبقى النتيجه بتاعه أى انتخابات اصحاب الاصوات فيها بيندرجوا تحت أى من الحالات المذكوره أعلاه, بتبقى نتيجه إن لم تمل الى الكارثيه فهى على الاقل فى منتهى الخطوره”

“إزاي في عالم كله معمول من قزاز ما تترعبش لَكل حاجة تتكسر!”

“ لازم نفتِكِر إن الناس المُختلفين عن بعض دول كُلُّهم لسّه بينهم تشابُه كيير، في الطبيعة، في الفطرة.. هُمّ نفس الكائن، نفس الفصيلة، نفس البني آدم... وبتغيّر ظروفهم فيهم حاجات، بس بتفضل الفِطرة والأصل واحد. " ”

“ كُل واحد فينا دايمًا "بينضَح" بحاجة من اللي جُوّاه ، أنا رأيي : سيبَك خالِص من الناس بينضحوا بإيه ، لو راقبت اللي بينضح منّك أنت ! ممكن تعرف وبسهولة أنت فعلًا عامل إزّاي ... " ”

“الأفكار " حرهـ حرية مطلقة الأفعال هي فقط " محدودهـ”

“مش من حقك تكون مش مجتهد ..”

“الصدف ما بتتحكمش في حياتك لإنك مش صدفة، إنت نفسك قدر.”

“المصايب مش بتحصل للناس اللي في الجرنال بس!”

“ش لازم تبقى سقراط وتبقى أول واحد فى التاريخ المكتوب تسال يعنى إيه عدالة فيعمل تغيير . مش شرط تحارب علشان الحرية والمساواة , مش شرط تبقى غاندى ولا مانديلا ولا مالكوم إكس ولا جيفارا علشان تعمل تغيير . مش لازم تغير كل الدنيا علشان تعمل تغيير . ممكن تغير حته بس .. حته صغيرة على قدك بس . تعلم أى حد أى حاجة تبقى غيرت الدنيا . تتكلم مع واحد صاحبك متضايق ومكتئب ويقوم من القعدة دى وهو عنده امل ومفرفش , بس كده تبقى غيرت الدنيا . تبقى لطيف مع حد فتخليه يبقى لطيف مع حد وهلم جرا تبقى غيرت الدنيا . تشيل ورقة مرمية على الأرض تبقى غيرت الدنيا , علشان من غيرك كان فيه ورقة مرمية على الأرض وبيك مابقاش فيه ورقة مرمية , يبقى أنت غيرت الدنيا”

“مش لازم تطلع الأول، ومش لازم تبقى أشطر واحد، ومش لازم تبقى شاطر أصلا،ومش لازم حتى تنجح أساساً.لازم لازم تبقى نفسك، لازم لازم تبقى كويس، لازم لازم تبقى شريف، بس مش لازم تبقى بطل!”

“ضميرك الوحيد القادر انه ينيمك مستريح ملء جفنيك او مينيمكش خالص .. ضميرك اعز ماتملك”

“الفلوس ماتنفعش هدف ، ماتنفعش تبقى الإجابة بتاعة السؤال ده .. " عايز إيه؟ ”

“بيَكْثُر في هذا الجزء من العالم الحديث عن الشيطان كمصدر خارجي للفتنة وبيَقِلْ الحديث عن الشيطان اللي جوايا .. نفسي”

“ماينفعش التدين يبقى ستارة بنخبيّ وراها وحاشتنا وكذبنا وسلبيتنا وأنانيتنا وعدم اهتمامنا ولا بالشغل ولا بالناس ولا بالوطن و بالشارع حتى ، بس شاطرين في الهتافات و الشعارات والسلام عليكم ورحمة الله وبركاته !”

“صعبة جدًّا عليّا في فهمها الحياة ، غريبة ومعقدة وملفلفة ومش واضحة خالص .. عندها قدرة عجيبة انها تفاجأك .. وكل ما تفتكر انّك خلاص مس حتستغرب تاني ، تفاجأك تاني”

“نَفسك عايزة تاخدك لتحت لطبيعتك الحيوانية، وروحك عايزة تمتد عشان توصل لخالقها، والخناقة اللي بين الاتنين تُسمى (بني آدم)”

“بيكثر في هذا الجزء من العالم، الحديث عن الشيطان كمصدر خارجي للفتنة .. وبيقل الحديث عن الشيطان اللي جوايا .. نفسي”

“حتى الشمس مسيّرة .. حتى البحر مسيّر .. حتى النجوم مسيّرة .. كله مسيّر .. إلا احنا”

“اللي بيعمل أي حاجة حتى لو كانت كويسة أو مهمة أو حتى "مفروضة من الإله" من غير ما يفكر، يبقى هو اللي وصفه التعبير القرآني العبقري: كمثل الحمار يحمل أسفارًا (أسفار يعني كتب)؛ يشيل الكتب زي بالظبط الحمار ما بيشيل البرسيم، زي بالظبط ما بيشيل فراولة، زي بالظبط ما بيشيل قوالح الدرة.. كلهم عنده سواء”

“ايه البجاحة دى؟؟ مش قصدى بجاحة بمعنى وحش طبعابس قصدى البجاحة انك تعمل حاجة أغلب الناس شايفينها مستحيلة , بل أصلا أغلب الناس ويمكن كلهم مش شايفينها أصلا”

“خلق هذا العالم من حب وفقط الحب يبقيه حيا”

“النظرية اللي انا مصدقها جدا انك لو مش سعيد تبقي حمار”

“لو حد سألنى عن رأيي هقول طظ في الناس مش لازم تليق عليهم خالص لو مش عايز ... بس لازم تليق على نفسك .. ليق على نفسك بس ، هتبقى رائع .. حتى لو وحش ، و حاشتك هتبقى ساعتها بتاعتك.. هتبقى رائع الوحاشة”

“بس اللي متأكد منه بقه هو ان أكبر و أعظم موهبة في الدنيا هي موهبة الحياة نفسها. و أعتقد كمان ان الموهبة دي تحديديا كل البشر مزودين بيها. الموهبة اللي تقدر تمكنك من انك تعيش الدنيا بتوازن؛ تحب الحياة بس ما تتعلقش بيها, تختلف عن الاخرين بس ما تكرهمش, تنتمي لأي حاجة بس من غير تعصب, تسامح بس ما تنساش, ترفض بتعقل, تفرح باتزان, تعيش بس ما تنساش الموت, تتخيل بس ما تبعدش عن الحقيقة, تبقى طموح بس ما تطمعش, تسأل بس ما تكفرش , تعيش باتزان.”

“جميلة الحياة بانها ما بتفضلش أبدا على حالها, جميلة بتغير الفصول والطلوع والنزول, جميلة الحياة بتغيرها. جميلة بكل ما فيها من حيرة وتساؤل و فضول, جميلة الحياة بالذكريات و بكل ما فيها من جنون.”

“أعتقد يعني ان الدليل على ان روحك بتكبر فعلا هو ان مفاهيمك تتغير. مش مبادئك, مفاهيمك.”

“الحيرة قدرنا لأن البني ادم هو الكائن الوحيد على الارض اللي بيحتار, لانه الكائن الوحيد اللي بيختار و عشان كده هو الكائن الوحيد اللي حيتحاسب.”

“لو نزلت الجامع اللي جنب بيتكو تقولهم وطوا صوت الميكروفون ده لإنه عالي ومزعج , حتلاقيهم واقفينلك كإنهم بيدافعوا عن الحضارة الإسلامية المنقرضه , مع إنهم بيدافعوا عن فعل قبيح ودميم ولا له أدنى علاقة بالدين , الإسلام مافيهوش ولا ميكروفونات ولا سماعات كبيرة ولا أصوات أحيانا أنكر من صوت الحمير وفاكرين نفسهم النقشبندي .”

“الإيمان بيخلي البني آدم أشجــع”

“كلام في سركوا .. في المصالح الحكومية الشهرة بتخليك تتعامل على إنك بني آدم . مش قصدي إنك تبقى تحصل على خدمة غير عادية يعني ، بس بتخليهم يعاملوك كبني آدم طبيعي!!”

“المجهود اللي بيبذلوه الناس في تخبية عيوبهم أو التنكر من انفسهم أو إدعاء أي كذبة هو غالبا أقل من اللي محتاجين يبذلوه عشان يبقوا فعلا بني آدمين أحسن ماعندهمش حاجة يستخبوا منها و لا يخبوها”

“انت نفسك عارف نفسك ، إزاي ممكن نظرة الناس ليك هتصلح صورتك في المراية ؟!!!”

“غريبة جدا كلمة الإستسلام دي ، من اكثر الكلمات اللي ليها معاني مختلفة في الدنيا .. الإستسلام في الحرب خيانة ، الإستسلام للحق فضيلة .. الإستسلام للشيطان رذيله .. الإستسلام لله هو كل الموضوع!”

“- القناعة كنز لا يفنى مش للي مامعاهوش بس ، القناعة الحقيقية في رأيي للي معاه بس مش عايز!”

“نفسك عايزة تاخدك لتحت ، (طبيعتك الأرضية الحيوانية )، و روحك عايزة تمتد عشان توصل لخالقها ، و الخناقة اللي بين الإتنينتسمى بني آدم!!”

“-ليق على نفسك بس حتبقى رائع ,لو انت وحش وحاشتك حتبقى ساعتها بتاعتك ..فحتبقى رائع الوحاشة ..”

“من غير ألم مش حتتعلم ..ومن غير ازمات قوية تقطم الوسط وتكسر الضهر حنبقى ضعاف”