مروة رخا

“البنت بتتولد و تتربى و تتعامل على انها قاصر – هتعيش و تموت قاصر!”

“كل واحدة مصاحبة واحد و هتنام معاه تفرجه على الفيلم و تقول له انها لو حملت مش هتسقط”

“انتى اصلا مش مقتنعة إنك محتاجة شريك ... انتى لا عايزة حد يشاركك حياتك و لا عايزة تشاركى حد فى حياته ... ما تقولى إنك مبسوطة كدة و خلاص.”

“فكرة واحدة مسيطرة عليه ... الجنس ... مش لأنه مدمن أجساد ... لأ ... لانه مدمن حب ... و هى ديه الطريقة الوحيدة اللى هو اتعود ياخد بيها حب”

“من اليوم دا و انا فهمت ان مافيش حاجة اسمها نصيبى كدة. النصيب دا شماعة كنت باعلق عليها سوء تقديرى و سوء اختيارى و سوء تصرفى.”

“انت بتتصرف وفقا لموروثك الثقافى مش وفقا لعقلك و قناعاتك الشخصية ... بالبلدى كدة حافظ مش فاهم.”

“الغلطة الحقيقية هى الغلطة اللى احنا بنصر عليها لكن الغلطة اللى بنتعلم منها و بتضيف لينا اسمها درس و إحنا فى الدنيا علشان نغلط و نتعلم ... لكن المجتمع مصر يحبسنا فى سجن غلاطاتنا بإسم الصح و اللى ما يصح”

“مين اللى قال ان أنا لما أحبك لازم أغير عليك؟ مين قال انى لازم أبقى عايزاك ليا لوحدى؟ مين قال انك لما توحشنى لازم أكلمك؟ مين قال انك لما توحشنى قوى لازم أشوفك؟ مين قال انى لازم أزعل منك لو سيبتنى؟ مين قال انى لازم أتجوزك؟ مين قال انى لازم أعمل أى حاجة أصلا؟”