إسلام جاويش

“الثورة عاملة زي الجني .. اللي اول ما طلع من الفانوس لقى 85 مليون امنية قدامة ..اتخض ودخل الفانوس وحلف ماهو طالع تاني”

“دقائق وساعات لا نهتم بهابمرور الوقت تصبح ايام .. تصبح سنوات تصبح ذكرى ..نهتم بها واحياناً نريد ان تعود في احساس ملئ باليأس لفقدانهاوننسى ان هناك امل ينتظرك في كل دقيقة وفي كل ساعة تمر”

“تكون الذكريات احياناً عند البعض سعيدة ، حتى ولو كانت شديدة الألم فالسعادة هي الأوقات الجميلة التي صاحبت الألم .. واصبحت ذكرى اصبحت صفحات مدونة داخل دفاتر عقولنا .. لا يمكن لورقاتها ان تزول بسهولة .. فستظل تواسينا الحياه”

“الاحداث محفورة على جدران التاريخالبارحة حدث .. الليلة حدث .. الأن حدث..وغدا احداث وان لم تكن الاحداث من صنعنا نحن ما عاد للتاريخ وجود”

“الصبح بيسلم على الليل في حركة وناس والليل بيسلم على الصبح في هدوء حساسميزان الحياه دا بجد غريبميزان الحياه دا عكس عكاس”

“خلق لكل داء دواء ..وخلق لليأس الأمل”

“لقد خلقنا الله مسلمين ... مخلقناش لا وهابيين ولا سلفيين”

“الناس زي القهوة بوشوش .ـ في منهم : مظبوظ ، وسادة ، وزيادة ... وممكن تلاقي ع الريحة”

“من الجهل والغباء ان تتعامل مع شعب قد كسر حاجز الخوف بقوة مفرطة.. فإنه سوف يقاوم حتى اخر قطرة دماء ..لكي يدمر اي حواجز قد تمنع عنه ولو للحظة ضوء الحرية”

“اكل العيش مر .. والمزيد من السكر قد يفسده لذة المرارة”

“لو لم يكن المعنى الحقيقي للمهنة هي المهانة ..، لرفض منظف الأحذية ان يسمح بوضع احذية الناس امامه ، ورفض عامل النظافة ان يجمع بقمامة غيره ، واقتصر الحلاق على الحلاقة لنفسه”

“يا صياد الهموم اوعى تلوم في يوم همك،خلي سنارتك تنزل تدور على امل حلمك،ومتفتكرش لحظة ان البحر هيروق دمك،دي الدنيا كدة ياصديق وياريت يفوق قلبك”

“في درس الكيمياء.. كان صديقي يعتقد أن أشعة الفاندر فالز المسئولة عن جذب الجزئيات، هي المسئولة أيضًا عن جذب البنات، وعند محاولته لضخ هذه الأشعة يقوم بحجب النظارة حتى ترى الفتاة عينيه فتقع في حبه "بفعل أشعة الفاندر فالز"، حاول التجربة بالفعل ولكنه فوجىء بعمود نور لابس في وشه.”

“وإن كانت العنوسة تسبب مشكلة مجتمعية.. فتأكدوا أن العزوبية لا تسبب أى مشاكل.. سوى الجنون.”

“فكانت "هند" بمثابة حاوية وليست حواء،.... وذلك لحبها الشديد في الأكل !”

“الطيبون للطيبات.. والخبيثون للخبيثات، وأنا حتى الآن لم تتحدد هويتي من طيب أو خببث.. فالطيب هو من يتزوج من طيبة فيعيش معها حياه سعيدة.. والخبيث هو من يتزوج من خبيثة فعيعش معها حياة منيلة بنيلة، أما أنا فغير متزوج حتى الأن وحياتي منيلة بنيلة أوتوماتيك..واظل انا العازب كوكتيل خبث على طيابة”

“كان لابد من شيء يجعلك ممن تؤمن بما وراء الطبيعة في محاولة لتوسيع خيالك أثناء الطفولة، فاخترعوا لك اللبان السحري، وذلك لأنه يتحول بقدرة قادر لأصفر وأخضر وأحمر أحيانا.”

“جارنا نزوره في دارهاو يجي يزورنا في دارنانفطر معاه بفطارهاو كلنا نفطر بفطارنانلعب احنا وعياله لحد ما نقول اتسحرنا وكمالة عليها صلاتنا بقلوب مليانة ايمان”

“عارف المصري هو اكتر واحد في الكون بيضحك ليه؟؟؟ لإنه من كتر البكى اللى بكاه مش لاقى اللي يبكي عليه”

“وحشتني ايام زمان .. ايام النشا والخيط .. وشوية اللاخبيط مع حبة الألوان ..ايام الورق في الحيط ..ونعلقه بتنطيط .. من بلكونة لبلكونة ، وبأفكارنا المجنونة ..نعمل زينة رمضان ، وف وسط الزينة فانوس ، معمول بورق سلوفان ..منور كل البيوت .. ومزين كل الحيطان”

“الحب إيمان .. والغيرة تعصب ..والعشق تطرفوالحب الحقيقي هو الإيمان الذي يجعل العاشق احياناً في قمة التطرف”

“بقلمى كــتــبــتوبعينى هــمــســتوبكل دقة قلب ندهتبـــس قوليلي ...ازاى هتسمعى صـــمت؟؟والصمت بقى كل اللى بينا !!طول الوقت”

“ايوة انا اتأخرتوانقفل باب السماحولغلتطى اعتذرتلنفسى عشان ارتاحضميرى بيموت ..جواه سكوتدا ضاع الوقتوالحب راح”

“من عادة الشعب المصري الذهاب على مثال "العشا عند مين النهاردة؟" .. وحتى العشا اللى مبقاش عند حد ، إلا انه واثق ان مفيش حد بينام من غير عشا .”

“أكبر دليل ان المصري كانت فلوسة فارطة ...انه كان بيدلع العشرة جنيه وبيقول عليها بريزة ...والعشرين جنيه ريال .. والخمسة جنيه شلن ..مما جعله يستعوض ربنا في جميع الأموال المنهوبة ، فأستعوض من هنا وفلس”

“كنت اعتقد ان المجلس العسكري الذي يدير المرحلة الإنتقالية قادر على مزاولة مهامة ..وليس مزاولة الثوار”

“مصر الدولة الوحيدة اللي بيجتمع فيها الصويت والزغاريط في يوم واحد ...يوم نتيجة الثانوية العامة”

“المفروض ان المدنيين هما اللي بيحركوا العسكر.. الشطرنج بيقول كدا”

“وكتير من عشاق ترابها ماتوا .. والرصاص لسة حي !”

“السؤال الذي يداهمني طوال الأيام اللي فاتت ، إزاي تغير لمصر البامبرز اللي مغيرتوش من 30 سنة ؟؟، وازاي أصلاً هتقدر تغيره وتلبسها لبس جديد؟؟ ، أكيد كل اللبس اللي عليها باظ فهتضطر إنك تنزل السوق وتشتريلها شوية فساتين مقاس 80 مليون ، انت ممكن تلاقي المقاس دا بس حاول تلاقي حد يخيطهولك .. مش يخيط ال 80 مليون”

“عندما يتمثل شخص في كونه سبب من اسباب فشلك ، او خداعك ، او اكتئابك ... يمكنك الانتقام بكتابة اسمه على طبق ملئ بالفطريات ..وذلك لإنه فطر ، ومن ثم أقذفة بيدك ناحية اقرب جدار بكل قوة ... فحتما سيتحول الى اشلاء صفيرة بعد كسره ..يكون مكانها صندوق القمامة”

“وقد جاء تصريح علي لسان احد البلطجية لقناة اجنبية، قال فيها:" العيال المتظاهرين دول عمالين يرموا علينا قنابل بلوتوث”

“ثم قالت لي عقب الانتهاء من تناولنا وجبة البطيخ : بألف هنا وشفا .. فهمست لها ببعض الضحكات قائلاً : ربنا يشفيكي يارب”

“اه يا بلد .. متعرفش منها اللبن من السمك .. من الحاجة الساقعة ، مع ان دا ابيض ودا اسود ..بس الضلمة مخلياك مش شايف اي حاجة قدامك”

“جوا القفض شايل جرحه وقاعد هادى .. حب يطير ..، وبعد ما طار راجع اسير ، وبعد ما عاد عرف ساعتها .. ان القفص ارحم كتير”

“بسمة مرسومة ... مستخبي وراها دموع”

“الحياه بها عيون كثيرة .. فلا تستعجب من نظراتها”

“هناك الكثير من يرتدي "حذاء" الحب ..بما يناسب مقاسات الخداع”

“إمبارح إتعلمت وفهمت ، والنهاردة ركزت ونجحت ، وبكرة بداية درس جديد في الحياة”

“الحب إسطورة تتحول فى بعض الاحيان الى حقيقة ، واحياناً تبقى الاسطورة كما هى ، بعد ان تطعنها سيوف الكدب والخيانة”

“قد أكون حراً في تصرفاتي ..متحرراً في إتجاهاتي .. اتظاهر بالديمقراطية مع الجميع حولي..، لكن معك فأنتي مرتبطة بقيود .. حيث تجعل أي رجلاً في العالم يعامل المرأة بديكتاتورية .. دون أن تدرى إنها مجرد غيرة”

“الحياه كالفتاه .. تعشق الدلال ، ولا تحب العتاب”

“الصبر وإنعدام اليأس هما دول المقومات اللي هتوصلك لطريق النجاح ، والمغامرة هيا الحياه ، لو اتلسعت منها اللسعة مش هتدوم بس هتعلمك متتلسعش تاني ، الفاشل هو اللي متعود على اللسعان..فعلشان كدا طول عمره لاسع”

“شكراً لشيبسي لما عمل طعم الكباب .. ولايز بطعم الملح ..، لكن سيظل في ذهني دائماً الطعم الذي يستخدمونه دائماً الأمهات المصريات .. بالسم الهاري ! تحت شعار : اللي يهري بطنك”

“اليأس اللي جوة الناس .. في حد ذاته ثورة مضادة”

“في ناس عندها شبابيك بتفتحها علشان تشوف وتفهم وتتفرج لحد ما بتتعلم .. وفي ناس عندها مرايات ، مبتبصش الا لنفسها ومش بتقتنع غير بنفسها.. لحد ما بتتجنن”

“اللي قدر يزود نسبة العنوسة والبطالة ... هو هو اللي قدر يخلي الشباب منتحر بعد فقع المرارة...”

“المعدة المصرية : هو الجهاز المصري الوحيدة التي إحتارت فيه كافة العقول التي تهتم في صناعة المحركات بالعالم..فهو لديه القدرة على صد 450 نوع من السموم شديدة الخطورة ، والناتجة عن مياة الشرب والحنفية والخضروات المسرطنة...”

“الفرق بين مصر والدول الأخرى .. إن اسرائيل بقت بتصنع الطائرة من غير طيار .. ومصر البلد الأولى في استيراد التوك توك...”

“الكابتن ماجد كان شخص قوي جدا لدرجة انه كان بيجيب الجون من نص الملعب ...، مع ان الكورة كانت بتمر على حوالي 60 واحد بما فيهم الجمهور ، وتروح كاسرة يمين وتخش جون ، وتقريباً دا كان بياخد 4 حلقات متتالية ، وعلى الرغم من كدا كان بيخلص المسلسل من غير بطولات...”