“أنا "الشاطر" فـ تجارة الدين"جزار" أحلام المساكينأمريكا قالت إنى "بديع"والباقى كخه و وحشين"صبحى" نهضه وليلى أمانو فـ عهدى هتبات "عريان""مالك" أختام الشرعيهولعلمك .... أنا مش اخوان”

“أنا الشاعر ومش شاعر بحاجه جديده فـ الدنيا وعارف إنى مش عارف هيحصل ايه كمان ثانيه وحاسس إنى مش حاسس بحاجه مهمه شدانى وألاقى الروح تروح رايحه برغم ثبوتى فـ مكانى يادنيا ممله هاتى جديد .. قديمك فات و راح زمنه وعدتينتا كتير بالعيد ... وأخدتى مننا تمنه عيدك فاتنا ولا مجاش ؟.. الخاسر إحنا فـ الحالتين أيامنا تفوت ببلاش !! .. والصبر بس نجيبه منين ؟”

“مش مكسوف أقول "اّسف" ومش عارف أقولها لمين ! فيه ناس زعلان أنا منها ومزعل منى ناس تانيين وناس عامله زعلانه وناس فـ رجوعى عشمانه وناس بعشقها بـ أمانه وبستغرب وصلنا لفين ! أنا اّ سف يا أغلى الناس ولو مش أنا الغلطان أنا اّسف ..أنا مسامح أنا من غيركم الخسران”

“لليأس أنا مش هسلم ... بإيدى هكسره والحال لو مش عاجبنى ..أنا ممكن أغيره قدامى طريق طويل .. صعب مش مستحيل وخلاص فكرت كتير ... ووقتى مش هخسره”

“سلام ..يا كل اّه محبوسه جواياعشان ..مبقاش فـ قلبى ليكى وللأحزان مكان”

“مش مُجبر إنى أختار الحر رأيه من راسه ودستور الجنه والنار دستور ملعوب فى أساسه”

“قلبى أنا صندوق شايل وجع جواه يرمى الوجع ويروق و ف ثانيه تانى يملاه !!”