“فيه ناس كتير أوي تخدمها الفضيحة وتكبر اسمها.. كمان الهجوم الجامد على الكبار يخليك تصدق أي حاجة على أي حد تاني.. لو جنب التخبيط في كام رجل أعمال على كام واحد بتاع سياسة, نزل خبر بيقول إن أمك بتشتغل في توظيف الأموال إنت نفسك هاتصدقهم .. فيه ناس الهجوم عليهم مكسب ليهم..ولازم يبقى غيه تنفيس”

“ده بيسموه السيطرة ، سيطرة الضابط على منطقته ، كل ما تلاقى الدنيا متروقة تعرف إن الدايرة اللي حوالين القسم بتقدم فروض الولاء صح ، و طلعاً في استثناء ، مش كله وساخة يعنى، فيه عيال برضه ولاد ناس ، بس الوسخ أكتر، من الآخر البلد ديها مالهاش توكيل، ماشية بدعاء الوالدين.”

“يعنى حد يهاجم بالنيابة عن الناس اللى مش فاضية.. الناس اللى أكل العيش هو اللى بياكلها.. الناس اللى بتجرى طول اليوم عشان القوت وبس يا عمر.. زيى وزيك كده.. مفيش أحلام ولا طموحات, يادوبك يحط دماغه على المخدة عشان يصحى تانى يوم يشتغل زى الحمار فى الساقية.. بس مايمنعش يقرأ الجرنال باليل, يسمعله كلمتين حلوين يطروا قلبه شوية.. حبة شتيمة فى كام وزير على كام مسئول, وشوية أخبار ممثلين على كام صورة بت سلبوتة, وحادثتين دعارة بالتفصيل الممل.. تبقى كده الوجبة كملت ومعاها عيش وسلطة طحينة كمان.. حد يزعق عشانه و يهلل أكنه بيجيب حقه.. حد يريحه.. يديله حقنة البنج عشان همومه تعدى, وفى الوقت نفسه شوية ديمقراطية, على حقوق انسان, على معارضة مستقلة, فى بلد حرة وشعب حر.. لازم البنى ادم يهدى برضه.. يحس بأمل فى بكره.. يحس ان فى تغيير.. طب انت عارف نص الناس ان ماكانش تلات ترباعهم عايزين التغيير عشان يكسروا الملل.. يغيروا الوشوش.. يشوفوا سحنة جديدة.. لو جيت قلت لحد فيهم قضيتك ايه؟ مش هيلاقى حاجة يقولها.. الجرايد فكرتله وزعقت بالنيابة عنه وصرخت فى الللى كابس على نفسه.. شربته سيجارة معمرة وأكلة تقيلة يشخر بعدها طول الليل.. يشخر للسنة الجاية كمان..”

“كني على أي حال أشرب في حالتين فقط :حين أكون عطشا وحين لا أكون.”

“في ناس ما ينفعش معاها الشرف.”

“سامح في المعجم: شوربة الخضار المضروبة في الخلاط ... بلا ملح ....-fake.. باين اوي أنه fake.. بس مش هيشتغلني.. يشتغل أي حد غير سامح زيدان.. جالي زيه هنا ميت واحد سابيكنها أحسن منه ومن أول قعدة بيتفقسوا.. ولا مرة خيبت معايا .. ولا مرة .. من بكرة قدم تقرير استلم فيه حالته.. يا أنا يا هو.. أنا.”

“عارف إنت مشكلتك إيه ؟.. إنك مش عارف إنت عاوز إيه .. حتى كلمة بحبك مش خارجة منك.. بتاخف منها يا برج الدلو.. بتخاف حد يشوف مشاعرك.. شوف بقالنا قد إيه مع بعض وعمرك ما قلت اللي جواك.. مع إنه طافح في عينيك.. بتخاف حتى من نفسك .. عاوزنى أفضل قريبة.. بس مش قريبة أوي”