“وانا زي قالب طوب ممكن يكعبل حد او يبقا جزء ف بيت او يبقا حائط صد أو يسند العجلة لو جات تقف ف مطب وانا عمر قلبي ما حب ولا مرة زي ما عاز الحب كان توكيد للناس وعندي مجاز”

“فسيب مشاعرك ف الفطام هتطيب و حب لكن حب وانت غريب القرب .. اصعب حكم اعدام ف التاريخ و الصورة أجمل طول ما هي بعيد”

“و حبك ليا مش عشوة وتذكرتين وبوكيه ورد يصالحني لما نتخاصم ولا خناقة مع الواد اللي عينه عليا ومدايقك عشان بتغير و مش صح ان لو واحد أكل حبة سوداني يطير ولا ضفدع بقدرة قادر اتحول ف يوم لأمير وبياض التلج ماتت قبلما يجيلها البطل بكتير ولا الأشرار بيبقى شكلهم معروف ولا بيتفقسوا م الأول ولا بيتمسكوا ف الآخر ف مالآخر و م الانصاف محدش كامل الأوصاف يجوز فعلاً في كل منا شئ مجنون وانا حابة الجنان لكن ياريت تفهمني وتصدق على عكس اللي تتمناه حياتنا بجد مش كارتون”

“عمرك حسيت إنك محتاج .. حُضن؟مش شرط يكون من حد مُعين أو عارفكوكفاية أوي إنه يكون دافي ومش متكروت ف سلام مستعجل ومجرد بس بروتوكول(للحضن أصول)فتحة دراعين ما تاخدش الا انت وتسيب تفاصيلك برَّك من غير تفسير لتصرُّفها غير رغبة لـ بث الدفا جواك”

“الكتابة تجربة نفسيه مرهقة جدا..تخيل لما (تنكش) روحك وتبعزق اللي ف صندوقك الأسود..عشان تدور علي حاجه بعينها تكاد تكون مش واضحه ليك أنت شخصيا .. .تفتح البيبان اللي كنت قافلهم بالضبه والمفتاح وتسيب الهوا يدخل يرزع فيهم وفيك..كل مرة بتقسم فيها انك مش هتاكل من شجرتها تاني..بس هي بعدها بتعرف تغريك بطريقة جديدة.. زي لعنة مش عارفة تطلع منها..أو جني مش عارف تطلعه منك ..أو مش عاوز!!..أو سبب..أخير.. لبقاءك حي..الكتابة فرصتك انك تسيب علامة علي جدران نفق الموت اللي بيربط بين حياتين..وحالة..مابتنتهبش مع آخر سطر في النص..إنما بتبتدي.،”

“والقُرب بيسيب ع القلوبتجاعيدوسط الروتين وبين فراغات الزعل بتزيد فسيب مشاعرك في الفطامهتطيب..وحب لكنحب وانت غريبالقرب أصعب.. حُكم إعدام ف التاريخ والصورة أجمل! طول ما هية بعيد”

“ابشع شيء حسيته هوه الخيانه والكدب في المشاعرسواء كانت خيانة من صديق او حتي خيانه من اي حد تانياول سؤال بيجي في بالي ليه ؟ايوه ليه ؟ليه ؟ليه تكدب ؟علشان ما تجرحش اللي قدامكانت بكدبك ده مش بتقتله مره انت بتقتله مليون مره انت بتحسسه انه ضعيف لدرجة انه صدق كدبكليه ؟انت مش مضطر تكدب علشان اي حد لا علشانه ولا حتي علشان غيره ؟ليه تقول انك بتحبها او حتي يصدر منك اي تصرف يحسسها بحاجه زي كده مع انك في الحقيقه ابتديت تحب حد تاني او حتي تفكر في حد تانيمهو انت لو بتحبها او بتحترم الحب في حد ذاته هاتبقي وفي مش ليها لا لمعني الحب نفسهالاحلي انك طالما ماحبيتهاش او حتي مش متاكد من انك بتحبها او حتي بتفكر في حد تاني غيرها انك تبعد انك ما تكدبش ساعتها انت هاتحترم نفسك وهاتعرف ايه جواها وهيه هاتحترمك اكتر حتي لو حبيت حد غيرها" —”