“مكتوب .. زي النخل لازم تفضل واقف وأنت بتموت ...مكتوب .. لا تعرف نفسك إذا كنت دبيحة .. ولا دة بس تخليص ذنوب..وكله مقدر ومكتوب..”

“إنك تستسلم لحلمك ..تبقي بتحط في بق الديب غنمك ..تبقي بتقول يالا السلامة علي نفسك ..تبقي ناوي تسيب سكينة تلمة تدبحك ...و هاين عليك ألمك..... و لما يكون كل دة عشان حد يستاهل ..بيحبك و بتحبه .. بس هو باللي فيك ميعرفش ...و اللي ميعرفش يقول عدس ..و بموتك و نزيفك محسكش .. أو يمكن حسك و مالحقكش ..يبقي تشيل في قلب زمانك ..و تموت زي النخل و إنت واقف مكانك ..و آه يا بشر و يا صبر .. مهما اديت و ضحيت.. ضربك الشوك في ضهرك و خانك ..”

“كان ياما كان .. في دنيا الحواديت والأحلام .. ناس بجد ناس .. مش زي الواقع .. يادوب تعرف ترغي وتجرح .. ولا تعرف معني .. احساس إنسان”

“مابتحسش وقلنا ماشيمابتفهمش وماله علي راسيلكن يبقي دة كله معايا أنا بس؟يبقي دمعة مني ماتستاهلهاشيعشان دمعة اللي زيي دنيا تانيةفي عالم مايسواشي”

“سامحني .. أنا غلطانة إني في يوم صدقت .. ماهو أنا مابعرفش أعمل غير كدة .. وحتي لو عرفت ..برضو كنت هأصدق كدبك وأنت ماصدقت”

“كنت أعلم إني ضعيفة أمام حبي .. لذا أواجه وأحارب وأقاتل قلبي ..أردت وأريد راحة الموت الاختياري .. وأنت دنيا لذا فضلت أنا عنها انتحاري”

“و كان بيعرفني من قبل ما يشوفني ... و يحس من صوتي بنبرة خوفي ... كان وقت حنيني .. يجري عليا .. يديني ويدفيني ... ووقت ما أحتاجله بدون ما أنادي بيجيني ... يحضنني و يقوللي .. دة أنا في حضنك بأنسي أيامي و سنيني .. و لما أشوفه و أحسه رغم البعد يستغرب .. و يسيب الدنيا كلها عشاني و يقرب .. زعلي منه كان بيوجعه قوي ... أصله عارف إني دنيته أنا و هو دنيتي .. كنت أمه و بنته و هو كان لي الحياة ... أصله كان هوايا .. كنت بأتنفسه ... و صحيت من الحلم علي ابتسامة و آه .. أصل وشي بقي مجرد قناع ... مابقاش فاضل فيا ولا نقطة حياة”