“الأنصاص لما بتلاقي ممكن يطلع حد صحيح وساعات بعد الجَبر .. الناتج يفضل برضه كسور فردية فانا مش طالبة أكتر من إنك.. تقبل بس القسمة عليا”

“مبحبش حد يكدب عليا..ومبحبش لما أكتشف إنه بيكدب وأسامحه يفضل يكدب عليا..مبحبش أقوله إني فاقساه وسيباه يخنق نفسه بالحبل وبرضو بيكدب عليا..ومبحبش أقوله إنه غبي عشان مستمر ف كدبه..والأغبياء بيصعبوا عليا..ف مبحبش أقول لحد غبي إنه غبي لأنه مش هيفهم أصلاً.”

“إزاى تعرف مين سابق مين جوا الدايرة و مين فيها فطع أطول مشوار .. مش ممكن برضه اللى ف ضهرك يطلع سابقك و انت اللى حمار ؟؟”

“ممكن تشترى هدوم بس مش ممكن تشترى "ستر" ، ممكن تشترى دوا بس مش ممكن تشترى "صحة " ، المال وسيلة للعيش و ليس هدف العيش . نزرع الرضا لنحصد "سعادة + ستر + سكينة ”

“صحيح الدين مش بس معاملة , انما برده معاملة !”

“من كتر ما الكوتشي اتقطع كذا مره و صلحته برضه كذا مره أديه داب و مخليني مش عارف ألعب ... و بقيت من أقل شوطه أشوطها صوباعي يطلع يبص ع الشارع من شباك صغير و كل شويه أروح ألحمه .... محتاج أشتري كوتشي جديد و مش أي كوتشي هينفع .. كوتشي جديد بمواصفات معينه ...... و عشان كده محتاج فتره أختار كوتشي يناسبني و محتاج فتره كمان عشان يلين و ياخد شكل رجلي و أرتاح فيه ... بس الكوتشي ده مش هشتريه ... هعمله ع إيدي لإني زهقت من الجاهز و زهقت من كوني لو شوفت حد لابس كوتشي حلو أجيب زيه بالظبط حتي لو هيبقي شكله حلو عليا ... مش شرط الشكل .. المهم الأداء و الفاعليه ... لأول مره حاطط شكل للكوتشي اللي نفسي فيه ... و حاطط برضه شكل معين للآداء اللي هيكون عليه الكوتشي دهبإختصار لازم أشتري كوتشي جديد قريب”