“الدنيا مبتضحكش .. الدنيا يا إما تديك إبتسامه بسيطه أوي و دي كتير بتلاقيها أو الوش التاني إنها تكشرلك حته تكشيره ولا كإنها أسد فاتح بوقه ع وسعه و عايز ينط عليك ياكلك .. و هتتمني ساعتها يا ريته يبلعك بسرعه ولا تدخلش بين سنانه و تتفرم و تموت بالبطئ و تتوجع في كل ثانيه من الثواني الأخيره في حياتككلنا بنتمني إن الدنيا تضحكلنا بس للأسف مبتضحكش”

“زمان كان الناس نص كلامهم حق و النص التاني باطل لكن الدنيا دلوقتي إتغيرت و بقي نص كلامهم "كدب" و نصه التاني "إشتغاله”

“المتفائل زي اللي سايق طياره و عمال بيخمس بيها ف السما و فجأه ..... قام لابس ف الرصيف .. مع إنه ف السمــا ...!! أما المتشائم زي اللي راكب مع اللي كان سايق الطياره و عمال يقوله خد بالك أحسن نخبط ف الرصيف .. و التاني يقوله يا عم إنتا أهبل؟؟!! ده إحنا ف السما ..!! .. لازم يكون في توازن بين التشاؤم و التفاؤل بس للأسف مش موجود ...”

“عارفه ليه واخد عليكي ضره !! لإني حبيتها .. أيوه حبيتها .. ببقي معاكي دايماً بس مش ناسيها .. أيوه مش ناسيها .. كرهتك كرهتك و بهرب منك ليها .. كل كلمه منك حق بس لأ لأ لأ .. ساعات أرجع أحبك لما بتعملي زيها .. بقول إتعلمت منها و راح منها غلها .. بس بعدها بترجع زي الأول و أنا أقول إزاي بسرعه قدرت !! .. ليه دايماً طبعك غالب !! .. و واخداها ع إنها مغلوب و غالب !! بس عارفه!! أنا كرهتها هي كمان .. لإن كل كلمه منها كدب × كدب و بترضيني و بس .. إنتو الإتنين زي بعض .. نسيت إنكو صحاب و جيران فـ عماره واحده .. عماره الحياه .. بس خلاص هسيبكو لبعض .. هعزل منها .. قريب .. شكري و تقديري لكي يا حقيقه .. و تحياتي لكي يا خيال .. سلام”

“حاجات كتير مبتبقاش شايفها و إنتا جوه الصوره .. و لما تطلع براها بتشوفها و بتوضح أوي .. زي لما يبقي ليك دور في مسرحيه و شغلك الشاغل إنك تأدي الدور ع أكمل وجه...!”

“لو الواحد عايز يجدد حياته و يخلي أيامه كلها فريش كده و جااامده آخر ثينج .. يسمع نصيحتي .. الحل هو إن الواحد يصفي نفسويته كل شويه مع نفسه .. هتقولي إزاي !! .. بص يا سيديهات ورقه و قلم و إكتب اللي جوه نفسويتك .. إكتب و إكتب .. و بعدين قطع الورق .. إكتب و قطع .. مفيش أي مشكله .. هتتعب فـ حاجه!!!! .. وربنا هترتاح .. يا سيدي لو معندكش كشاكيل أو قلم .. إديها كمبيوتر ع الوورد باد ........أقولك !!! بلاش كل دوووول .. روووح ع أقرب مرايه ف بيتكو .. طبعاً كل واحد فينا عنده مرايه ف بيتهم .. روح ع أقرب مرايه .. بص فيها .. كلم نفسك .. معلش ياعم أنا مجنون إستحملني .. أيون كلم نفسك .. ساعات الواحد بيبقي جواه العلاج بتاعه نفسه .. إسال نفسك ياتري انا ممكن اعيش عمر أكتر من اللي عشته ده ؟؟ يعني الحزن اللي أنا فيه و الغضب ده بسبب الروتين هيخلوني اعيش عمر تاني؟! زمانك بتقول دلوقتي ((ياعم دا أنا حاسس إني كبرت 70 سنه و كمان حبه هودع)) عارف ده ليه؟؟؟ عشانك مش فاهم أي ثينج .. أيوه انت مش فاهم أي ثينج لإنك لازم تعرف إن الايام اللي جايه هتعيشها يعني هتعيشها .. بحلوها .. و بمرها .. غصب عنك هتعيشها .. الأقدار هتحاول تغير ف حياتك و حاجات كتير أوووي هتبقي ضدك .. بس حاجه واحده بس هتخليك قادر تواجه كل التحديات و المطبات دي .. الإراده .. كل واحد منزوع الإراده يقول روتين روتين روتين و نفسي أجدد حياتي بس مش عارف .. إعمل كا حاجه .. متحرمش نفسك من أي حاجه .. إكتشف نفسك .. إكتشف كل حاااجه .. الإرداه هي الطريقه اللي هتخليك تجدد حياتك و تبقي إنسان جديد كل فتره و متتحبطش و تبقي كووووول بشكل مش معقووووول .. الهدف :: مصيبه ليكون أساساً معندكش هدف .. من أهم طرق تحقيق النجاح .. و ده مش كلامي .. ده كلام د/ إبراهيم الفقي .. يعني مش بتبقلظ عليكو و بتفلحس -----------------------------------------1- القرارات :أن تقرر أنك ستفعل 2- الرغبة 3- الهدف 4- الأسباب 5- اعتقادك أنك تستحق ذلك وأن تعتقد في قدراتك وتنميها.. 6- أن يكون لديك قيم عليا تحافظ عليها. -----------------------------------------كل ده هيديك تحدي للواقع و هيخليك من إنسان محبط كئيب خارج من فيلم أبيض و إسود لواحد بالألوان كده و آخر نعنشه و مستعد يعمل أي ثينج و مقبل ع الحياه و متفائل حتي لو حصل إيه .. شديد فـ أزمته .. الحل هو الإراده اللي هتدينا التحدي .. و الهدف الأهم من كل شئ”

“أرخم الأشياء ف الدنيا حاجتيندبانه خضرا كل ما تيجي تهشها ترجعلك تاني و واحد و إنتا متضايق و محتاج هدوء عمال يررررغي لحد ما يجيلك جفاف و ودانك تقع منك ..!”