“إحنا فى مجتمع معندوش رفاهية الفكر ، لا حد خد رأيه لما كان بيربيه ولا لما كان بيعلمه ولا لما كان بيشغله ، فلا إتعود يحلل أو يفكر أو يتعقل او يكون رأيه”

“افتكر أيام لما كنت بتصحى بدري علشان المدرسة ...ولما كنت بتذاكر فيزيا أو تاريخ..و أهلك مانعينك من النزول و اتبسط ان ده كله خلص و مش راجع تاني”

“الاهم كل فكرة ومبدأ اقتنعت بيه مش عشان بس ورثتة سمعته قريته او شوفته، بس اقتنعت بيه عشان اول ما سمعته استغربته، انتقدته، حاربته، فكرت فيه، فاقتنعت بيه لما فهمته”

“ و عشان الراجل كان بيشتغل في غربة و كانت مشاكله في الشغل مضاعفة ، لأنه حاسس إنه ممكن سيكون الشخص الفلاني مش بس منفسن منه و بيزنبقه عشان نفسه ياخد مكانه ، او مش مقتنع بيه ، بس ممكن يكون عشان من الجنسية الفلانية التانية و هما مش بيحبونا ”

“طول ما انت عايش, فى اصوات ثانية بتحاول تعلى بصوتها عن الصوت اللي جواك, لحد ما تلاقيك نسيت صوتك إنت, و نسيت إنت كان رأيك إيه, و تلاقيك بتكرر الصوت اللي بيرن فى ودنك اللي هو مش بتاعك, بس سمعته قبل كده”

“ليه نقعد فى مصر ؟ علشان هنا فيه حياة, فيه مجتمع مفنجل, فيه ديليفرى الساعة 4 الصبح , قهاوى على مدار الساعة , موبايلك فيه نمر بالعبيط لناس تفضفض معاهم وتحس انك انسان فيه حد مهتم بيك , العالم الغربى عالم وحيد بالنسبة لينا , كئيب حتى على ناسه اللى اتربوا فيه , عالم بينام بدرى وبيقفل زرار الياقة وخنيق , احنا عندنا مجتمع صوته عالى , وعشرى ودا مهم للنفسية فعلا .”

“فى معادلة صعبة جدا ما بين مثلين مشهورين الأولانى هو مثل يحثك على سماع النصائح بيقولك " مش لازم تدوق الأسفلت عشان تعرف ان طعمه وحش " و الثانى قصة الكتكوت اللى حاول يطلع من البيضة فجه ولد ساعده و كسر له البيضة فالكتكوت طلع من البيضة مشلول عشان عظمه كان طرى”