“أفضل وصف سمعته للحب على الإطلاق: حريقةو برغم ان الحريقة بتبقى مثيرة و مبهجة و مش شبه أي حاجة تانية في الدنيا ،إلا إنها عندها عيب خطير ;زي ما تقولوا كده بتعطل المخ عن العمل شوية..عشان كده أحسن حاجة تتعمل في تصوري في اللحظة دي ;ان الواحد يستمتع بالحريقة و يستناها لما تهدى ،و بعد ما ألسنة اللهب تقل ،ممكن ساعتها تبتدي تفكر بشكل أسلم في خطة لهذا الحبتذاكره و تفهمه و تحاول تعرف هو حيعيش ولا مش حيعيش ،ينفع ولا ماينفعش ..الوقوع في الحب موضوع بس علاقة الحب و الجواز و الشراكة موضوع مختلف تماما”

“من يرى نفسه على أنه شريف و مهتم و صاحب مبادئ ،هو ده فعلا اللي لازم يخلف عيال ;عشان يعلمهم ينوّروا في الضلمة ..”

“بس اللي متأكد منه بقه هو ان أكبر و أعظم موهبة في الدنيا هي موهبة الحياة نفسها. و أعتقد كمان ان الموهبة دي تحديديا كل البشر مزودين بيها. الموهبة اللي تقدر تمكنك من انك تعيش الدنيا بتوازن؛ تحب الحياة بس ما تتعلقش بيها, تختلف عن الاخرين بس ما تكرهمش, تنتمي لأي حاجة بس من غير تعصب, تسامح بس ما تنساش, ترفض بتعقل, تفرح باتزان, تعيش بس ما تنساش الموت, تتخيل بس ما تبعدش عن الحقيقة, تبقى طموح بس ما تطمعش, تسأل بس ما تكفرش , تعيش باتزان.”

“طول ما انت قاعد في شرنقتك ، و مش بتدخل في تعاملات إنسانية جديدة .. كل ما فرصة انه تغلط تقل .. و فرصة انه تتعلم حاجة جديدة بالتبعية تقل”

“ماينفعش التدين يبقى ستارة بنخبيّ وراها وحاشتنا وكذبنا وسلبيتنا وأنانيتنا وعدم اهتمامنا ولا بالشغل ولا بالناس ولا بالوطن و بالشارع حتى ، بس شاطرين في الهتافات و الشعارات والسلام عليكم ورحمة الله وبركاته !”

“ و عشان الراجل كان بيشتغل في غربة و كانت مشاكله في الشغل مضاعفة ، لأنه حاسس إنه ممكن سيكون الشخص الفلاني مش بس منفسن منه و بيزنبقه عشان نفسه ياخد مكانه ، او مش مقتنع بيه ، بس ممكن يكون عشان من الجنسية الفلانية التانية و هما مش بيحبونا ”

“لو حد سألنى عن رأيي هقول طظ في الناس مش لازم تليق عليهم خالص لو مش عايز ... بس لازم تليق على نفسك .. ليق على نفسك بس ، هتبقى رائع .. حتى لو وحش ، و حاشتك هتبقى ساعتها بتاعتك.. هتبقى رائع الوحاشة”