“الضباط عايزة تفضل في السرايات، إيه اللي يخليهم يرجعوا القشلاق تاني؟”

“عارف إنت مشكلتك إيه ؟.. إنك مش عارف إنت عاوز إيه .. حتى كلمة بحبك مش خارجة منك.. بتاخف منها يا برج الدلو.. بتخاف حد يشوف مشاعرك.. شوف بقالنا قد إيه مع بعض وعمرك ما قلت اللي جواك.. مع إنه طافح في عينيك.. بتخاف حتى من نفسك .. عاوزنى أفضل قريبة.. بس مش قريبة أوي”

“عوني: أنت نسيت اللي حصل المرة اللي فاتت؟!يحي: هو اللي شبط لما عرف إني ((psychiatrist)).. مش ذنبي إنه ما استحملش يشوف تحليل لنفسه على الحقيقة.._جحظت عينا عوني استغرابًا_عوني: تحليل!!ده أنت حللت له بول يا ((man))..شمبرته..تقول له في وشه أنت 90% عندك ضعف جنسي! اقسم بالله الراجل كان حالف ما يجي هنا تاني.. أنا كنت هابوس دماغه.”

“إحنا اللي الملايكة قالوا علينا هنسفك الدماء ونفسد في الأرض.”

“كنت متخيلة إن دايما عندي إجابة لكل سؤال ! بس فيه حاجات بيكون لطيف فيها إني أسيب نفسي وما أسألش .. بعدين أبقى أعرف ليه .. أو حتى ما أعرفش .. مش مشكلة .. رغم أنها كانت دايما مشكلة .. لكن المرة دي .. مش مهم .. عارفة نهاية الفيلم و مش مهتمة .. أنا بس مش قادرة أتخيل خسارتك تاني .. مش هاستحمل .. خليك في الضلمة .. أنا راضية.. تخيل.. راضية تفضل في الضلمة وأفضل أنا أتهمك زور إنك مش موجود.. على الأقل هفضل متشعبطة في ديل حلم.. إنما لو عديت كده مرور الكرام .. واختفيت زي ما في يوم اختفيت.. أنا مش هسامحك.. هاموت.. أنا باخرف.”

“طه :أنا ما بقيتش أنا .. بقيت واحد تانى .. مش بنى آدموليد :و هو مين فينا بنى آدم؟ البنى آدمين دول عايشين برّهطه :أمّال إحنا بقينا إيه؟وليد :إحنا اللي الملايكة قالوا علينا هنسفك الدماء و نفسد فى الأرض.”

“كان في واحد اسمه نوح ساكِن في بلاد الناس فيها ..نسوا المولى ..كل يوم كان يصحى الصبح يعِظهم ويهديهم ..لا الناس كانت بتسمع ولا حد استجاب..وفي مرة قال مينفعش معاهم غير الدم..أقتل الأسياد ينصلح حال العباد..وعنها كل يوم كان يقتل واحد..يقتل واحد لغاية ما خلص كل أوساخ الحي..بالك إيه اللي حصل؟؟مع كل واحد كان بياخد روحه..قلبه بتموت فيه حتة قد العنباية ..في الآخر قلبه مات..ما بقاش في الحي حد غيره..افترى وهو فاكِر إنه يصلح لحد ما جه يوم واتلموا عليه جماعة ..كانوا بسمعوه كلامه الأولاني..نفذوا حكمهم فيه..قتلوه..ارتاحوا وارتاح الحي كله..كان فاكِر نفسه نوح مكانش عارف إن نوح مش هو اللي انتقم.”