“نصيحه مني أي شخبطه هتشخبطها محتاجه في بعض الأحيان لقلم ألوانطول ما إنتا ماسك القلم الإسود بس هتفضل في الحاله ديقلم اسود و قلم ألـــــوان”

“أفضل ما في أي تجربه جديده : عنصري الإثاره و الغموض و أسوأ ما فيها .... الضغوط”

“السواقه ف مصر عامله زي ما تكون في ميدان موانع .. مثلاً ماشي ف أمان الله كده تلاقي كارو جاي من يمينك مزنق عليك تقوم تتفاداه ع آخر لحظه و الحصان خلاص راسه عندك جوه الكابينه ... كمان شويه واحد بعجله من ع شمالك جاي يلبس فيك تقوم مفرمل أحسن تشيله و بعد ما يحصل خير تلاقيه بيقولك إنتا ما بتشوفشي يا ×××××× .. و بعد ما تتفادي كل دول تلاقي واحد عايز يعدي جري من تحت العربيه تقوم مفرمل جاااامد عشان ماتشيلوش .. و فجأه تلاقي ودنك بتسمع ألفاظ غريبه من اللي كنت هتدوسه ده ع أساس إنك إنتا اللي غلطان ... و هكذا طول ما إنتا سايقالسائق المصري أفضل سائق ف العالم لإنه بيتفادي دول كل يوم”

“المتفائل زي اللي سايق طياره و عمال بيخمس بيها ف السما و فجأه ..... قام لابس ف الرصيف .. مع إنه ف السمــا ...!! أما المتشائم زي اللي راكب مع اللي كان سايق الطياره و عمال يقوله خد بالك أحسن نخبط ف الرصيف .. و التاني يقوله يا عم إنتا أهبل؟؟!! ده إحنا ف السما ..!! .. لازم يكون في توازن بين التشاؤم و التفاؤل بس للأسف مش موجود ...”

“حياتك زي فيلم .. فيه إنتا البطل .. عشان كده لازم تبقي زي الأبطال بس لازم تعرف إن زي ما فيه أبطال أخيار فيه برضه أبطال أشرار”

“حاجات كتير مبتبقاش شايفها و إنتا جوه الصوره .. و لما تطلع براها بتشوفها و بتوضح أوي .. زي لما يبقي ليك دور في مسرحيه و شغلك الشاغل إنك تأدي الدور ع أكمل وجه...!”

“أرخم الأشياء ف الدنيا حاجتيندبانه خضرا كل ما تيجي تهشها ترجعلك تاني و واحد و إنتا متضايق و محتاج هدوء عمال يررررغي لحد ما يجيلك جفاف و ودانك تقع منك ..!”