“يقطع ده اليوم الطين اللي اتعلمنا فاس. كان يبقى صُح الفاس لو لينا أرض. أهي بس ف دي يبقى الفاس فاس لكن ما اخْيبها شغله يا فاطنه ان كانت في أرض الناس”

“أيه هيه الغربة يا فاطنه؟وميتى يبقى الواحد منينا في غربه.؟لما يسيب بلده.؟الواحد بلده الحته اللي بيغواها.بيته . الفرشة اللي عينه تنعس جواها.مش يامنه اب بعرور متجوزة حفني العطار.؟مش دي حكاية يا فاطنه قارياها انتي وحافضاها.؟مش قاسمين لا الفرش ولا اللقمة.مش دايقين أيامهم بلسانهموجنوبهم في الليل..بتبات تتقلب.أهي دي الغربة يا فاطنه.جبلاية الفار بلده وبلد جده وده بيت والدهلكن متغرب فيه .”

“مش ماشيه معايا حكاية الجوهرة والدرة المكنونة دي.إنتي يا فاطنة أغلى من الجوهرة واجدع م الدرة.وحتى انا مش عارف منة كلمة درة.إنتي يا فاطنه أغلى ما ماسك في ايديا.تحويشتي وعرقي ..واكتر من كل كنوز الدنيا.والمسألة في القول مع فاطنه مش محتاجة كلام.يعنى أنا لو قلتلك جوهره حتقولي معزته زادت؟إنتي عارفه حراجي وعارفه مقدارك.أنا ربنا جابني الدنيا من غير ورثواداني منابي فيكيوما طالب منه غير بس يبارك فيكىويديني الجهد ف دراعيني أقدف بيكى.أغلى عندى من الولد لو ان الولدنضر عيني ..لكن لسه احنا قادرين نعمل ولد.لكن انتي لا قدر رب الناس.ما قدرشي أعكز ف طريقإلا بيكي.ان مالت بيا الدنيا اتكى عليكي.تسندني إيديكي ..وإذا كنت باقول إني في أسوان عال ..فأنا عاللأن العمر منفد ع الجبلاية.والجبلايةفيها فاطنه اللي واخدهابسنة رب الدنيا ورسوله.فمنين جوهره ولا ميهحينوروا زي عنيكي المليانين طيبه وحنيهف لياليا ..؟”

“تكلمها النسوان تضحك..لكن تقعد تبكي وتقول مالكم بيّا بس يا خلق..؟ سيبوني.. فرحانة..وماله لما ابكي..؟ يعني الفرحة دي حاجة بتاجي يوماتي؟ سيبوني ابكي. أهي دمعة تطفي القلب المحروق.”

“والقهر ان كان من شخص توده النفسيبقى هوة يا فاطنه القهر الحقاني وبس.”

“و كان لي حلم زي الناس ..ما مديتشي الخطاوي في سكته الصعبه .. عشان يبقى ..مافضلتش أسير و اشقى ..عشان الحلم يتحقق ..عشان يبقى و انا أبقى ،، فضلت العمر عالطرقة ..و كان بدي أكون ، و بقيت ..لكن غير اللي انا اتمنيت !!و مرقت تحت مني سنيني تسخر مني و تعدي .سحاب ضايع ، لا بيمطر ولا يندي .و انطفى حلمي و نار شبابي الحي ن و اديني عشت ميت حي ، بدال ما اشد عمري .. شدني ، و طواني تحته طَـيّ ..”

“الدنيا عِلم ! والعلم أوحش ما ف راسه ، إنه ميعرِفش إيه طعم حلاوة الحلم ! . . العلم بيحقق الأحلام ، لأنه مبيحبش يبقى في ف الدنيا حِلم !”