“من يرى نفسه على أنه شريف و مهتم و صاحب مبادئ ،هو ده فعلا اللي لازم يخلف عيال ;عشان يعلمهم ينوّروا في الضلمة ..”

“أفضل وصف سمعته للحب على الإطلاق: حريقةو برغم ان الحريقة بتبقى مثيرة و مبهجة و مش شبه أي حاجة تانية في الدنيا ،إلا إنها عندها عيب خطير ;زي ما تقولوا كده بتعطل المخ عن العمل شوية..عشان كده أحسن حاجة تتعمل في تصوري في اللحظة دي ;ان الواحد يستمتع بالحريقة و يستناها لما تهدى ،و بعد ما ألسنة اللهب تقل ،ممكن ساعتها تبتدي تفكر بشكل أسلم في خطة لهذا الحبتذاكره و تفهمه و تحاول تعرف هو حيعيش ولا مش حيعيش ،ينفع ولا ماينفعش ..الوقوع في الحب موضوع بس علاقة الحب و الجواز و الشراكة موضوع مختلف تماما”

“المجهود اللي بيبذلوه الناس في تخبية عيوبهم أو التنكر من انفسهم أو إدعاء أي كذبة هو غالبا أقل من اللي محتاجين يبذلوه عشان يبقوا فعلا بني آدمين أحسن ماعندهمش حاجة يستخبوا منها و لا يخبوها”

“الدليل على ان روحك بتكبر فعلا هو ان مفاهيمك تتغير, مش مبادءك ,مفاهيمك, الشخص اللي روحه بتكبر ده بيتعلم, ومادام بيتعلم لازم ما يفضلش يشوف الحاجات من نفس وجهة النظر”

“الحيرة قدرنا لأن البني ادم هو الكائن الوحيد على الارض اللي بيحتار, لانه الكائن الوحيد اللي بيختار و عشان كده هو الكائن الوحيد اللي حيتحاسب.”

“وبعدين انتوا متخيلين بشاعة ان الواحد يموت و هو بيجرى فى السباق عشان لقى كل الناس بتجرى, و يبص كمان يلاقى ايده فاضية من كل حاجه فعلا مهمة لانه رماهم كلهم عشان كان بيجرى!!”

“نفسك عايزة تاخدك لتحت ، (طبيعتك الأرضية الحيوانية )، و روحك عايزة تمتد عشان توصل لخالقها ، و الخناقة اللي بين الإتنينتسمى بني آدم!!”