“ليه يا حبيبتي ما بينا دايما بحورأعدي بحر ألاقي غيره اتحفر”

“يا حزين يا قـُـمـقـُم تحت بحر الضياعحزين أنا زيـَّك و إيه مستطاع ؟!الحزن ما بقالهوش جلال يا جدع !الحزن زي البرد ... زي الصداععجبي !!!!”

“تسلم يا غصن الخوخ ياعود الحطببيجي الربيع تطلع زهورك عجبوأنا ليه يمضي ربيع وييجي ربيعولسه برضك قلبي حته خشبعجبي”

“«كرباج سعادة وقلبه منى انجلد.. رَمَح كإنه حصان لف البلد.. ورجع لى آخر الليل وقالى ليه. .خجلان تقول إنك سعيد يا ولد”

“ولدي نصحتك لما صوتي اتنبح.. ما تخافش من جني ولا من شبح ..وان هب فيك عفريت قتيل اساله ..ما دافعش ليه عن نفسه يوم ما اندبح ..وعجبي”

“كام اشتغلت يا نيل في نحت الصخورمليون بئونه و الف مليون هاــــتوريا نيل أنا ابن حلال و من خلفتــــــكو ليه صعيبه علي بس الأمــــــــور”

“على رجلي دم نظرت له ما احتملتعلى إيدي دم سألت ليه ؟ لم وصلتعلى كتفي دم وحتى على راسي دمأنا كُلي دم... قتلت ؟ولا انقتلت؟عجبي”