“بص قصادك .. مش عسكر دى ..؟ مش أولاد ناس ..؟ مش دول ليهم أبات وأمّات ..؟مش ليهم ايام عمر وكان المفروض تتعاش..؟ مش تعبت فيهم أهاليهم والا جاية لاجل تموت ..وتموت ليه ..؟ ماتعيش شبابها ليه..؟وماتروحش السيما وما تحبشّ ليه؟حكم الانسان ع الانسان آه م الكاكى يا ولدىالكاكى قانون.”

“ليه هى الحرب دى مش حرب الكل مش حيموت فيها ولاد الكل ؟ يبقى ليه القابض والدافع ؟ .. هه ؟ وكمان ليه ناس تتفرج وليه ناس تانية بتدافع .. ؟ هه ..؟ بقى ده اسمه كلام ساعات صدقنى باحس إن تلات تربع أكل الشعب المصرى حرام !!”

“كان يغني بأحلي صوت ...يا قمر .. يا رغيف بعيد ...النهارده الحد .. عيد ..الفقير ليه مش سعيد ..والغناي ليه مبسوطين؟يا قمر يابو عمر لسهالعباد ع الحانة كابسة..عاوزه تنسي ..عاوزه تنسي ...والغناي لو يسكروايبقى لجل يفكروا..يسرقوا م المسروقين ؟؟...”

“وانا الدرويش بأنزف دم وسع لي الطريق يا عم وماشي بجرحي مش مهتم”

“حبيبتى ..كل ما بنسى ، تفكرنى الحاجات بيكىأئنك تدمعك عينىكأنى مش بغنيكىو أنا الدرويشأنا السارح بمسبحتى و مبخرتىو توب الخيشأغنيلك و أمولك مواويلكما تسمعنيش و لا تشوفينيشو مش لازم ..ما دام عايشة ، ما دمت بعيش !”

“أيه هيه الغربة يا فاطنه؟وميتى يبقى الواحد منينا في غربه.؟لما يسيب بلده.؟الواحد بلده الحته اللي بيغواها.بيته . الفرشة اللي عينه تنعس جواها.مش يامنه اب بعرور متجوزة حفني العطار.؟مش دي حكاية يا فاطنه قارياها انتي وحافضاها.؟مش قاسمين لا الفرش ولا اللقمة.مش دايقين أيامهم بلسانهموجنوبهم في الليل..بتبات تتقلب.أهي دي الغربة يا فاطنه.جبلاية الفار بلده وبلد جده وده بيت والدهلكن متغرب فيه .”

“مش ماشيه معايا حكاية الجوهرة والدرة المكنونة دي.إنتي يا فاطنة أغلى من الجوهرة واجدع م الدرة.وحتى انا مش عارف منة كلمة درة.إنتي يا فاطنه أغلى ما ماسك في ايديا.تحويشتي وعرقي ..واكتر من كل كنوز الدنيا.والمسألة في القول مع فاطنه مش محتاجة كلام.يعنى أنا لو قلتلك جوهره حتقولي معزته زادت؟إنتي عارفه حراجي وعارفه مقدارك.أنا ربنا جابني الدنيا من غير ورثواداني منابي فيكيوما طالب منه غير بس يبارك فيكىويديني الجهد ف دراعيني أقدف بيكى.أغلى عندى من الولد لو ان الولدنضر عيني ..لكن لسه احنا قادرين نعمل ولد.لكن انتي لا قدر رب الناس.ما قدرشي أعكز ف طريقإلا بيكي.ان مالت بيا الدنيا اتكى عليكي.تسندني إيديكي ..وإذا كنت باقول إني في أسوان عال ..فأنا عاللأن العمر منفد ع الجبلاية.والجبلايةفيها فاطنه اللي واخدهابسنة رب الدنيا ورسوله.فمنين جوهره ولا ميهحينوروا زي عنيكي المليانين طيبه وحنيهف لياليا ..؟”