“يا باب يا مقفول ... إمتي الدخولصبرت ياما و اللي يصبر ينولدقيت سنين ... و الرد يرجع لي : مين ؟لو كنت عارف مين أنا كنت أقولعجبي !”

“ أنا الذي مشيت أدوَّر باشتياق و حنين... على مصر، و المشي خَدني من سنين لسنينلحد ما سنيـنهـا و سنـيني بـَقـُم واحدو عاصرتها يوم بــِـيـوم ، لم فاتني يوم واحدو حضرت شاهد عيان مَوْلـِد و موت ملايينما زعلت من كلمة قـَدّ .....: " البـَركة في الجايين " !مين هم دول يا جدع .. ما توحد الواحد، البركة فينا و في السامعين بالواحدأنا قلتها بنرفزة ..، من غيرة الواحدعلى اسم مصر .”

“أنا مش تبع مخلوق يا سيدنا البيه أنا حُر في إللي يقول ضميري عليه وإن كنت تُحكم جوا ملكوتك الشارع الواسع فاتح لي إيديه”

“زحام و أبواق سيارات مزعجـــــةللي يطول له رصيف.. يبقي نجـــالو كنت جنبي يا حبيبي أنــــــــــــامش كنت أشوف إن الحياة مبهجةعجبي!! إيديا في جيوبي وقلبي طــــــــربسارح في غربة بس مش مغتربو حدي لكين ونسان و ماشي كدهوبابتعد ما اعرف .. أو باقـــــتربعجبي !! يا ميت ندامه ع القلوب الخـــــــــــلالا محبة فيها و لا كراهـــــــــــه ولاحتي يا قلبي الحزن ما عادش فيـــــكمعلهش .. لك يوم برضه راح تتملاعجبي !! مرحب ربيع مرحب ربيع مرحبــــــــــهيا طفل يا للي ف دمي ناغا  وحبــــــــاعلشان عيونك يا صغنن هويــــــــــــتحتي ديدان الأرض و الأغربــــــــــــــةعجبي !!! فتحت شباكي لشمس الصبـــــــــــــــــاحما دخلش منه غيــــــــــر عويل الريـــاحو فتحت قلبي عشان ابوح بالألـــــــــــــمما خرجش منه غير محبه و سمــــــــاحعجبي !!!! غمست سنك في السواد يا قلـــــــــــــــمعشان ما تكتب شعر يقطر ألــــــــــــــــممالك جرالك إيه يا مجنون ... و ليــــــــهرسمت ورده وبيت و قلب و علـــــــــــمعجبي !!!”

“الساعة الساعة الساعة ..الساعة..الساعةانت اللى كسرت الساعة..الساعة..الساعة- مين؟ أنا؟- آه انت أيوة انت..انت اللى كسرت الساعة..الساعة الساعة الساعةساعة البيه المحترمة تقطمها بكل شناعة- أنا معملتش حاجة لحد، أنا ع القد وماشى ع القد، أنا جاى أبكى عليك وعليا وعلى عصفورة كانت فى الإقيادساعة تمنها بعمرك كله، اركع..اركع للبيه واتذلل له..اركعقول له يا بيه ودينى الشرطة أنا مجرم- أنا كنت ببص لغصن الشجرة وعدّيتهم عصافير كانوا عشرة وعصفور كينا قاست من كفّى رميتها كأنها حتة حجرةلأ..ما رميتهاش، خرمت إيدى وطارت من الناحية التانية-هاهاها، المجنون أهوه، المجنون أهوهالساعة الساعة الساعة..انت اللى كسرت الساعة- أنا كنت ببص على الأزهار، وعديتهم وكانوا كتاروشبابى كان زهرة ما بينهم مكسورة فى لهيب النار- عايز تسرق مين دى الوقتتاخد زمنك وزمن غيرك وتبعزقه زى ما بعزقته”

“يا حزين يا قـُـمـقـُم تحت بحر الضياعحزين أنا زيـَّك و إيه مستطاع ؟!الحزن ما بقالهوش جلال يا جدع !الحزن زي البرد ... زي الصداععجبي !!!!”

“ولو انضنيت وفنيت وعمري انفرط مش عايز ألجأ للحلول الوسط وكمان شطط وجنون مانيش عايز يا مين يقولّي الصح فين والغلط”