“كروان جريح مضروب شعاع م القمرسقط من السماوات فؤاده انكسرجريت عليه قطة عشان تبلعهأتاريه خيال شعرا وملهوش أثرعجبي”

“وأنا في الظلام من غير شعاع يهتكه. أقــف مكانى بخوف والا أتـركــــــه. ولمـايـيجى النور واشوف الــدروب. أحــتار زيـاده أيــّهــم… أســلكـــــــــه. عجــبــي !”

“دخل الشتا وقفل البيبان ع البـــيوتوجعل شعاع الشمس خيط عنكبوتوحاجات كتير بتموت في ليل الشــتالكن حاجات أكتر بترفض تمــــــوتعجبي !!”

“فارس وحيد جوه الدروع الحديدرفرف عليه عصفور وقال له نشيدمنين .. منين.. و لفين لفين .. يا جدعقال من بعيد و لسه رايح بعيدعجبي!!!”

“مهبوش بخربوش الألم والضياعقلبي ومنزوع م الضلوع انتزاعيا مرايتي يا اللي بترسمي ضحكتييا هلترى ده وش والا قناع”

“أوقات أفوق ، ويحلّ عني غباياوأشعر كأني عرفت كل الخباياوافتح شفايفي عشان هقول الدررمقولش غير حبة غزل في الصباياعجبي !!”

“فتحت شباكي لشمس الصبـــــــــــــــــاحما دخلش منه غيــــــــــر عويل الريـــاحو فتحت قلبي عشان ابوح بالألـــــــــــــمما خرجش منه غير محبه و سمــــــــاحعجبي !!!!”