“إن لم تكن تعمل ما تحب، فبرجاء المحاولة مرة أخرى”

“لو مقتنع إن النجاح كعكة لازم تلحق تاخد نصيبك منها , ده معناه انك معندكش ثقة في إن رزق ربنا واسع وممكن يكفينا كلنا ,وإن كل واحد نصيبه العادل على قد ما تعب مش على قد ما هبش من حق غيره”

“مين المسؤول عن جيل كامل مقتنع إنه مش مسؤول؟ جيل مقتنع إن اللي جنبه دائماً هو المسؤول؟ أصبح محدش بيغير خالص؟ كل واحد بيستخدم كل فِكرُه و وقته و ذكائه إنه يلبس اللي جنبه إنه المسؤول، ده يقول "إنت المسؤول عن إن الشارع مافيهوش صندوق زبالة فعشان كده أنا رميت على الأرض"، فترد لي سعادتك: "لأ لما حطينا صندوق الزبالة لقينا الناس كلها برضه بترمي في الشارع عشان دي مش ثقافتها"، قال لك: "ما هو علشان الشارع كله زبالة فماجتش عليّ أنا مش هاوسّخ حاجة، و بعدين إنت ماحاولتش تغيّر ثقافتي"، فقال لك: "ما هو علشان كلكم ما بترموش في صندوق الزبالة، فأصبح الشارع كله زبالة كبيرة فهاغير ثقافتك إزاي و إنت أصلاً زبالة؟" فالثاني قاله: "ما أنا بادور على صندوق زبالتك بالساعة في أرقى الأحياء، فبلاقيها أصعب ما ألاقي فرع سيلانتروا أو ماكدونالدز" و البيضة عند الفرخة، و الفرخة عايزة ديك و الديك عايز فرخة، و الفرخة بتيجي من البيضة”

“وبلاش نعمل من الأراء مسلمات ، مش لمجرد إن الأغلبية ماشية ورا الرأي ده إنه قانون ، الأغلبية في وقت من الأوقات كانت موافقة إن الأرض مسطحة والأغلبية الألمانية كانت مقتنعة إن هتلر هو منقذ البشرية ، وأغبية المصريين أهلاوية!”

“طالما سألت نفسى هل الذكرى السعيدة شئ مفرح أم محزن، مفرحة لأنها تذكًرك بمتعة أم محزنة؛لأنك لن تستطيع ان تعيشها الاّن لاختلاف كل شئ، لم يعد هناك نفس البشر، لم يعد هناك نفس الظروف، لم تعد أنت نفسك، انت.”

“سؤال دائما ما يطرح نفسه فى حياتنا.. ليه كل ما هو "صح" و "كويس" و "مفيد" صعب؟ و ليه كل ما هو "غلط" و "وحش" و "مؤى" سهل؟”

“حتى لو مش عارف تتبسط ، ما تخليهمش ، و ما تخليهاش و متخليش أى حاجة تعكنن عليك . بس نصيحة أخوية ... اتبسط ...”