“لليأس أنا مش هسلم ... بإيدى هكسره والحال لو مش عاجبنى ..أنا ممكن أغيره قدامى طريق طويل .. صعب مش مستحيل وخلاص فكرت كتير ... ووقتى مش هخسره”

“مش مكسوف أقول "اّسف" ومش عارف أقولها لمين ! فيه ناس زعلان أنا منها ومزعل منى ناس تانيين وناس عامله زعلانه وناس فـ رجوعى عشمانه وناس بعشقها بـ أمانه وبستغرب وصلنا لفين ! أنا اّ سف يا أغلى الناس ولو مش أنا الغلطان أنا اّسف ..أنا مسامح أنا من غيركم الخسران”

“عرفت طريقى اللى مكنتش أنا شايفه زمان وياما فات الوقت وانا براهن ف طريق خسران كان لازم أجرب وعشان كده أن مش ندمان عرفت طريقى ومش هندم على حد بايعنى مش واقفه الدنيا عليه أو غيره وايه يعنى وهكمل كده ومفيش ولا حاجه ترجعنى”

“أنا الشاعر ومش شاعر بحاجه جديده فـ الدنيا وعارف إنى مش عارف هيحصل ايه كمان ثانيه وحاسس إنى مش حاسس بحاجه مهمه شدانى وألاقى الروح تروح رايحه برغم ثبوتى فـ مكانى يادنيا ممله هاتى جديد .. قديمك فات و راح زمنه وعدتينتا كتير بالعيد ... وأخدتى مننا تمنه عيدك فاتنا ولا مجاش ؟.. الخاسر إحنا فـ الحالتين أيامنا تفوت ببلاش !! .. والصبر بس نجيبه منين ؟”

“أنا "الشاطر" فـ تجارة الدين"جزار" أحلام المساكينأمريكا قالت إنى "بديع"والباقى كخه و وحشين"صبحى" نهضه وليلى أمانو فـ عهدى هتبات "عريان""مالك" أختام الشرعيهولعلمك .... أنا مش اخوان”

“الحكايه مش فى نهضة مش فى حل التأسيسة مش حكاية حكم مرشد ولا تخوين الثورجيه الحكايه باعوا ثوره قتلوا فى الناس الطموح مش مهم أى حاجة بس أوعى الكرسى يروح تبت فيه بإيديك وسنانك بكره يخونك زى ما خان أصل الشعب المصرى جنابك عمره ماسلم يوم لجبان”

“متفرعن ليه ياسيدى؟ هوه انت تبقى مين؟؟ شايف نفسك ملاك ؟! ما كلنا بنى اّدمين مش ابن اّدم وحوا ؟ مش لحم ودم برضه ؟ طول ياعم بالك دا أصلك ياحلو طـيـن”