“ و احنا صغيرين لما كنا بنقطع صفحة شخبطنا فيها من الكشكول.......كنا بنقطع الصفحة اللي تقابلها من الناحية التانية عشان ماتقعش من الكشكول بعد ما نكتب فيهاعشان كده لما يبقى في فترة في حياتنا اتشخبط فيها كتير .....وناس لخبطوا فيها كتيرشيلها عشان الحبر مايعَّلِمش في الصفحة اللي بعدهااقطعها ،واقطع الصفحة اللي تقابلهاالصفحة اللي كان فيها أحلام مع الناس ديعشان ماتعيشي في صفحة مافيهاش مكان تكتب فيه حاجة جديدةأو بعد ما تكتب تكتشف إن الصفحة مالهاش أساس و مقطوعة من الناحية التانية و تلاقيها وقعت من الكشكول”

“عارف يعني إيه؟!عارف يعني إيه اتسند عليك؟ عارف يعني إيه ما اخافش إلا عليك؟عارف يعني إيه ما اخافش معاكلا على نفسي ولا الأيام ولا الأحلاملا على الدنيا ولا الآخرةعارف يعني إيه أتمنى ولادي يطلعوا شبهكو أنا شايفاك واخد بإيدي وإيديهم للجنةعارف يعني إيه الكلمة تطلع مننا في وقت واحدعارف يعني إيه ما تبقاش مستني إلا واحدعارف يعني إيه تبقى ضهري وبعد شوية اكتشف إنك هواعارف يعني إيه تبقى مضطر تعيش من غير ضهر تتسند عليهعارف يعني إيه تشاور لي على بنوتة صغيرة جواياوتقولي البنت دي حلوة قوي مخبياها ليه وأول ما تطلع البنت وهي مزقططة وتمسك بإيدك تسيب إيديها وانتو بتعدُّوا على أول طريق يجمعكواتحصلها حادثة تفقد فيها الذاكرة لفترةمش من الخبطة على قد ما اتفاجئت إنك سبت إيدها بسهولةوترجع بعد فترة وتفتكر كل اللي حصلوترجع تفكربس المرة دي بقت أكبربقت قادرة تقررما بقتش تمسك في إيد حدبقت شايفة كل حاجة ناقصةوتنزل دمعة من عينهاوهي نايمةوكان اللي فاتحوارها معاه في حلمهاتقوم مفزوعة من خبطة على كتفهابتقولها"نازلة فين؟"تفتكر إن محطتها فاتتلكن واحدة تطمنها وتقولها لسه فاضل كتير تبصلي وأبصلهاوأطمنها على حلمها إنه في بيرعرفت ساعتها بسيعني إيهتحفظ سر لحد ما تعرفوش”

“الكتاب ده مش مناسبة للاحتفال, الكتاب ده عشان نفتكر بيه احداث اثرت فينا وفي تاريخ بلدنا.اعتقد ان كتاب "أهو ده اللي ثار" من أول الأعمال الأدبية والفنية اللي مبنية تماما على الناس اللي قامت بـالثورة وشاركت فيها بكل مراحلها, ويا رب يجعل المجهود اللي عملناه في تجميع التدوينات الرائعة دي درس وعبرة لكل القراء :)”

“لما بتعمل حاجة ونيتك فيها لربنا نسبة إحسانك فيها بتزيد”

“عشان تبني قرار صح لازم تملى الفراغات اللي بين الطوب اللي بتبني على أساسه القرار”

“باحترم الكتاب اللي له نسخة إلكترونية مرفوعة على النت لأن ده معناه أن في قارئ تعب نفسه ساعات عشان يعملها مسح على الكمبيوتروعشان يريح قراء كتير أوي نفسهم يشتروا الكتاب وتمنه واقف في طريقهمعارفة إنها سرقةبس الكتاب اللي يتسرق دليل أنه قيم....افضل مليون مرة من كتاب ما اغراش حد يسرقه أو يرفعه”

“المجهود اللي بيبذلوه الناس في تخبية عيوبهم أو التنكر من انفسهم أو إدعاء أي كذبة هو غالبا أقل من اللي محتاجين يبذلوه عشان يبقوا فعلا بني آدمين أحسن ماعندهمش حاجة يستخبوا منها و لا يخبوها”