“تشوف عيني جملة الناس عدوان... وعقلي يقول اصابعي ماتشابهوقلبي تبلد من عقب جرح خوان... ماعاد يرد العلم عقب الاصابهفي صمت تجري بي تصاريف الازمان... امشي وعلم الغيب مايندرى بهواحس بالغربه وانا وسط اوطان... يتيمة بين الاهل والقرابةاوراق مع ظرفين , صورة وديوان... والغلطة اني مدمنة بالكتابه”

“واضحك واجامل وادعي بالفروحي... وبداخلي نار وتجاريح وصياحواحاول اخفي جروحي بروحي... واخيط جرح وتنفتق عدة اجراحوان قربت دمعات عيني تفوحي... الله أكبر ، صار لي قلب مزاح”

“الناس سدّادة سلف يوم الرخا باكر يضيع... ما بي اسوي حاجة أصبح عليها نادمهأبحث بقلب التجربه وآخذ من أحداث الجميع... عبره تساعدني على صدمات وقت قادمهبعطي واسامح للبشر وأحسن مع الكل الصنيع... حتى إذا جار الزمن القى صديق انادمهودي على طول الزمن أكون منديل الفجيع... أحب أعمّر ما أرتضي أكون لحظة نادمه”

“مسافره مسافره وجمعت انا اشيائي... بروح ادور لي ارض غير مأهولهافكاري مبعثره والمشي عشوائي... والدرب مخطوور والاحلام مشلولهبروح امارس جنوني واقتل اعبائي... مابي خوي يخاويني بهالجولهبحمل معاي صراحه وقول تلقائي... وقصة موادع وقطعة قلب منزولهوشعري وجنوني وفلسفتي مع آرائي... بأطلق لها عنانها وتقول ما تقولهفي رحلتي مستعده افقد اعضائي... دام اني آمنت فيها صرت مسؤولهمليت وانا انطعن بالظهر واستائي... ماقلت لو مره هالطعن وشهوله؟مليت اكفر اخطاء ماهي اخطائي... وادري براعي الخطا واقول من هو له؟فرقبتي قلاده هي سبة ايذائي... من قبل لا اولد وهي بالعنق مغلولهمحتاجة للنفس من ضيقة احشائي... واشوف مفتاح قيدي وما اقدر اطوله”

“اشهد اني لغيره بالغلا ماعطيت... واشهد انه بغاني مير ما من عوينصحت من قلب ياويلي على اللي هويت... وقمت امسح دموعي من يسار ويمينلاطرالي حبيبي بصوت واطي حكيت... إنا لله وإنا للولي راجعين”

“أنا أبيك وحش يحتوي داخله عصفور... وانا ابيك طفل يحتوي داخله رجالأبيك الأب بالعطف والأخ بالمعسور... أبيك أمي بالتدليل ومداعب الجهّالانا أبيك تاج الستر ياعاري المستور... أعاف العقل وانجن مادامهم عقّالأبيك المطاع الطايع المنذل المغرور... انا أبيك جوعي وشبعتي والفقر والمالأنا أبيك تشكيلة عواطف كما البلور... أبي تحتوي كل التناقض مع الاشكالأباصير انا وياك داخل بعضنا ندور... ياحتى نضيع وين كنا مع المدخالخلاص انتهى صبري وتلاشت خيوط النور... أبعلن جنوني وش نلت من عالم العقال؟؟”

“حتى الذي ضرني لا ضاق يحزني... ماعندي أعداء ، كل الناس صدقاني”