“طول ما الشاب اللي بينزل التحرير دلوقتي هو نفسه اللي بيعاكس البنات بعد الضهر وهو نفسه اللي بيسب الدين عالقهوه و هو نفسه اللي بيزمبق زمايله في الشغل .. عمر ما البلد دي هتتصلح”

“الله يخرب بيت اللي قال على الفيس بوك و تويتر مواقع تواصل اجتماعي .. هو فين التواصل ده ؟؟؟؟!!! .. أنا من ساعه ما دخلتها وأنا معدتش بشوف حد !!”

“مــآسي البلد كترت ، و الواحد من كتر صور الحداد اللي بيحطها عالفيس نسي خلقته بقت عامله ازاي”

“أجمل فتره في الجواز هي اللي قبل الطلاق علطول”

“في المليونيات كل ما يمسكوا واد بلطجي يصوروه بالفانله واللباس ويعرضوا جنب صورته كارنيه الحزب الوطني اللي لقوه معاه .. والله العيال البلطجيه دي أصيله قوي .. بتنسي تلبس هدومها وبتنسى تاخد بطايقها بس مبتنساش تدب كارنيه الوطني في بوكسراتها قبل ما تنزل تتبلطج .. عرفتي تربي يا سوزي ..”

“أكتر حاجه بتوجعني عالفيس لما ألاقي بنت كاتبه انها خلاص هتتخطب ومسافه ما اخش بروفايلها اباركلها ألاقيني أنا - و الميه و خمسين شاب اللي عندها - معمولنا ديليت في 3 ثواني ..المجد لكل بنت محسستنيش اني كنت مجرد اوبشن ..”

“أنا زوج مثالي جداً .. بشهاده كل الستات اللي عرفتهم ..”