“أهم عضلات في جسمك لازم تمرنهم يوميا هم العضلتين اللي على طرفين بقك.. إسترتشهم و فكهم و إبتسم كده.. خليك كده عشر ثواني.. ها.. أحسن”

“طول ما انت عايش, فى اصوات ثانية بتحاول تعلى بصوتها عن الصوت اللي جواك, لحد ما تلاقيك نسيت صوتك إنت, و نسيت إنت كان رأيك إيه, و تلاقيك بتكرر الصوت اللي بيرن فى ودنك اللي هو مش بتاعك, بس سمعته قبل كده”

“مين المسؤول عن جيل كامل مقتنع إنه مش مسؤول؟ جيل مقتنع إن اللي جنبه دائماً هو المسؤول؟ أصبح محدش بيغير خالص؟ كل واحد بيستخدم كل فِكرُه و وقته و ذكائه إنه يلبس اللي جنبه إنه المسؤول، ده يقول "إنت المسؤول عن إن الشارع مافيهوش صندوق زبالة فعشان كده أنا رميت على الأرض"، فترد لي سعادتك: "لأ لما حطينا صندوق الزبالة لقينا الناس كلها برضه بترمي في الشارع عشان دي مش ثقافتها"، قال لك: "ما هو علشان الشارع كله زبالة فماجتش عليّ أنا مش هاوسّخ حاجة، و بعدين إنت ماحاولتش تغيّر ثقافتي"، فقال لك: "ما هو علشان كلكم ما بترموش في صندوق الزبالة، فأصبح الشارع كله زبالة كبيرة فهاغير ثقافتك إزاي و إنت أصلاً زبالة؟" فالثاني قاله: "ما أنا بادور على صندوق زبالتك بالساعة في أرقى الأحياء، فبلاقيها أصعب ما ألاقي فرع سيلانتروا أو ماكدونالدز" و البيضة عند الفرخة، و الفرخة عايزة ديك و الديك عايز فرخة، و الفرخة بتيجي من البيضة”

“و أنا شايف إن نصايح الناس خصوصاً المقربين ليك مش على طول مفيدة, لإن الناس بتنصحك عشان بتحبك, بيحاولوا يخلوك تتجنب الفشل, و الآلام المترتبة على هذا الفشل, و مش عارفين إن ده في معظم الوقت بيوديك للفشل بعينه بأسرع طريق... الخط المستقيم!”

“لو فكرت فيها شوية،مش يمكن ماحدش غيري أشطر فعلا و أنا أشطر منهم؟أو يمكن أحاول أنا بطريقة جديدة،أو افضل أحاول لبعد النقطة اللي استسلم عندها أكثر واحد قبلي؟و لو هقابلك أقابلك فين؟وإيه الهدف من التف علي القبور؟ و مين المريض اللي الف الكناية القذرة دي أصلا؟”

“فى معادلة صعبة جدا ما بين مثلين مشهورين الأولانى هو مثل يحثك على سماع النصائح بيقولك " مش لازم تدوق الأسفلت عشان تعرف ان طعمه وحش " و الثانى قصة الكتكوت اللى حاول يطلع من البيضة فجه ولد ساعده و كسر له البيضة فالكتكوت طلع من البيضة مشلول عشان عظمه كان طرى”

“أؤمن بالله حتى لو ألحد العالم و ضواحيه.. حتى لو رفض العلم و العقل و الرياضة و حساب المثلثات.. حتى لو كان كل شيء مسبب و له مصدر و له نهاية.. حتى لو تفشى الظلم حتى لو لم يصبح أي شيء عادل.. حتى لو إختفى الكمال و إختفى الجمال.. حتى لو لم نجد في عقلنا الأسباب و المسببات.”