“عايز أنسى حاجات كتير بس إزاى أقدر أمسحها ؟ تعبت بجد من التفكير حاولت كتير إنى أصلحها أصلح حاجه وبكسر غيرها وأفكر أكتر وقلبى يعانى وأفكر إنى هموت فى اّخرها ألاقى نفسى بفكر تانى !!!”

“أنا الشاعر ومش شاعر بحاجه جديده فـ الدنيا وعارف إنى مش عارف هيحصل ايه كمان ثانيه وحاسس إنى مش حاسس بحاجه مهمه شدانى وألاقى الروح تروح رايحه برغم ثبوتى فـ مكانى يادنيا ممله هاتى جديد .. قديمك فات و راح زمنه وعدتينتا كتير بالعيد ... وأخدتى مننا تمنه عيدك فاتنا ولا مجاش ؟.. الخاسر إحنا فـ الحالتين أيامنا تفوت ببلاش !! .. والصبر بس نجيبه منين ؟”

“مش مُجبر إنى أختار الحر رأيه من راسه ودستور الجنه والنار دستور ملعوب فى أساسه”

“عايز أفرح رغم انى حزين عايز أنسى حزنى وخلاص حزن وفرح .. جوايا عايشين وبيحاربوا بعض بإخلاص تعبت وتوهت ما بين الاتنين لا فرحت ولا حزنت ياناس”

“أصعب حاجه إنك تنسى شىء قاصـد إنـك تنساه تسأل قلبك .. ها ؟ نسيته ؟ يستغرب ويقوللك .. لا تبدأ تعمل إنك ناسى مع إنك فيه بتفكر وتسأل قلبك تانى ع الماشى هيقولك .. كده فاكره أنا أكتر”

“اسمى : مأمون ..اسم منتشر جداًعمرى : قبل اليوم كان غريب جداالمهنه : تلميذ.. تلميذ ما دام عايشهوايتى : غير النوم كوره وقلم طايشحلمى : على قدى مش مبالغ فيهعنوانى : مايتوهش لو سألت عليهالحب : صوت فيروز أقرب حاجه لقلبىوأمنيتى :إنى أموت .. راضى عنى ربى”

“مهما كان القلب طيب .. بيجرح ساعات ومهما حبيت كل حاجه .. هتكره حاجات”