“ساعات بنمثل إننا مكسوفين أوى , بس الحقيقة إننا مش مكسوفين , احنا بس بنمثل , وساعات بسأل نفسى ؟ ليه ساعات بنمثل ؟! عارفين الإجابة لقتها سهلة , علشان المشهد اللى احنا فيه يبقى كامل زى ما المفروض يكون ويتقال عننا , ساعات كتير أوى بنعمل حاجات بتتقال علشان يقولوا علينا طبيعيين , مش اكتر من طبيعيين”

“المؤامرة هى إننا ممكن طول عمرنا نفضل كده , ندور وخلاص وغالبا مش بنكون عارفين بندور على إيه ؟ ويضيع العمر وكأنه مكنش واحنا لسه برده بندور , وفى الاخر خالص بنعرف إن اللى كنا بندور عليه جنبنا أوى ويمكن كمان ساكن معانا ويمكن بنقول اسمه كل يوم من غير ما نحس أما المؤامرة الحقيقية بقى إنك ممكن تعرف الحقيقة دى ومن خيبتك متصدقش .”

“لو خايف من الفشل, مش مشكلة, حول خوفك لاستمتاع بكل خطوة علشان يبقى فشل ممتع, علشان فى الآخر تبقى كسبت حاجة”

“فى حاجات فى حياتنا بنحس إنها متكررة ودايما بيكون عندنا إحساس إن فى حاجة ناقصة مع التكرار ده علشان كده دايما بنحس إننا لازم ندور فى مكان تانى وهو ده الحب حاجة ناقصة فى وسط حاجات كتير متكررة”

“أبشع الجرايم ساعات كتير أوي بتكون أسبابها تافهة وغريبة.”

“ساعات بنرتكب أبشع الجرايم بسبب أمور طبيعية”

“ساعات بنختلق عداوات غير موجودة عشان نقنع نفسنا إننا محاربين أبطال و إن كل غلط بنعمله ده مدبرلنا مش احنا السبب فيه ”