“صعبة جدًّا عليّا في فهمها الحياة ، غريبة ومعقدة وملفلفة ومش واضحة خالص .. عندها قدرة عجيبة انها تفاجأك .. وكل ما تفتكر انّك خلاص مس حتستغرب تاني ، تفاجأك تاني”

“مش لازم تطلع الأول، ومش لازم تبقى أشطر واحد، ومش لازم تبقى شاطر أصلا،ومش لازم حتى تنجح أساساً.لازم لازم تبقى نفسك، لازم لازم تبقى كويس، لازم لازم تبقى شريف، بس مش لازم تبقى بطل!”

“جميلة الحياة بانها ما بتفضلش أبدا على حالها, جميلة بتغير الفصول والطلوع والنزول, جميلة الحياة بتغيرها. جميلة بكل ما فيها من حيرة وتساؤل و فضول, جميلة الحياة بالذكريات و بكل ما فيها من جنون.”

“غريبة جدا كلمة الإستسلام دي ، من اكثر الكلمات اللي ليها معاني مختلفة في الدنيا .. الإستسلام في الحرب خيانة ، الإستسلام للحق فضيلة .. الإستسلام للشيطان رذيله .. الإستسلام لله هو كل الموضوع!”

“بس اللي متأكد منه بقه هو ان أكبر و أعظم موهبة في الدنيا هي موهبة الحياة نفسها. و أعتقد كمان ان الموهبة دي تحديديا كل البشر مزودين بيها. الموهبة اللي تقدر تمكنك من انك تعيش الدنيا بتوازن؛ تحب الحياة بس ما تتعلقش بيها, تختلف عن الاخرين بس ما تكرهمش, تنتمي لأي حاجة بس من غير تعصب, تسامح بس ما تنساش, ترفض بتعقل, تفرح باتزان, تعيش بس ما تنساش الموت, تتخيل بس ما تبعدش عن الحقيقة, تبقى طموح بس ما تطمعش, تسأل بس ما تكفرش , تعيش باتزان.”

“ضميرك الوحيد القادر انه ينيمك مستريح ملء جفنيك او مينيمكش خالص .. ضميرك اعز ماتملك”

“لو حد سألنى عن رأيي هقول طظ في الناس مش لازم تليق عليهم خالص لو مش عايز ... بس لازم تليق على نفسك .. ليق على نفسك بس ، هتبقى رائع .. حتى لو وحش ، و حاشتك هتبقى ساعتها بتاعتك.. هتبقى رائع الوحاشة”