“كل واحد جواه كذا واحد .. المجنون .. العاقل .. المرح .. الكئيب .. الكويس .. الشرير .. بس كل واحد من دول ليه مثيرات معينه بدرجات معينه عشان يطلع ... بس إحنا لازم نتحكم فـ المثيرات دي .. عشان نختار اللي يقدر فيهم إنه يوصلنا للي بنتمناه ...”

“من كتر ما الكوتشي اتقطع كذا مره و صلحته برضه كذا مره أديه داب و مخليني مش عارف ألعب ... و بقيت من أقل شوطه أشوطها صوباعي يطلع يبص ع الشارع من شباك صغير و كل شويه أروح ألحمه .... محتاج أشتري كوتشي جديد و مش أي كوتشي هينفع .. كوتشي جديد بمواصفات معينه ...... و عشان كده محتاج فتره أختار كوتشي يناسبني و محتاج فتره كمان عشان يلين و ياخد شكل رجلي و أرتاح فيه ... بس الكوتشي ده مش هشتريه ... هعمله ع إيدي لإني زهقت من الجاهز و زهقت من كوني لو شوفت حد لابس كوتشي حلو أجيب زيه بالظبط حتي لو هيبقي شكله حلو عليا ... مش شرط الشكل .. المهم الأداء و الفاعليه ... لأول مره حاطط شكل للكوتشي اللي نفسي فيه ... و حاطط برضه شكل معين للآداء اللي هيكون عليه الكوتشي دهبإختصار لازم أشتري كوتشي جديد قريب”

“حياتك زي فيلم .. فيه إنتا البطل .. عشان كده لازم تبقي زي الأبطال بس لازم تعرف إن زي ما فيه أبطال أخيار فيه برضه أبطال أشرار”

“السواقه ف مصر عامله زي ما تكون في ميدان موانع .. مثلاً ماشي ف أمان الله كده تلاقي كارو جاي من يمينك مزنق عليك تقوم تتفاداه ع آخر لحظه و الحصان خلاص راسه عندك جوه الكابينه ... كمان شويه واحد بعجله من ع شمالك جاي يلبس فيك تقوم مفرمل أحسن تشيله و بعد ما يحصل خير تلاقيه بيقولك إنتا ما بتشوفشي يا ×××××× .. و بعد ما تتفادي كل دول تلاقي واحد عايز يعدي جري من تحت العربيه تقوم مفرمل جاااامد عشان ماتشيلوش .. و فجأه تلاقي ودنك بتسمع ألفاظ غريبه من اللي كنت هتدوسه ده ع أساس إنك إنتا اللي غلطان ... و هكذا طول ما إنتا سايقالسائق المصري أفضل سائق ف العالم لإنه بيتفادي دول كل يوم”

“روح كل واحد فينا ليها ألوان و ألوانها هي أفكارناو أسوأ لون ف الألوان دي الإســـــــــــود”

“التنازل صعب .. بس دايماً الظروف اللي بتأدي ليه بتكون أصعب”

“مفيش في الدنيا دي خساره كامله .. لإن اللي بيخسر .. بيخسر عشان يكسب بعدين”