“انساب وليه تنربط ياللى ف ضهرك جناح احزن عشان تنبسط وموت علشان ترتاح دا الموت يعيدك لأصلك بس انت موتك معصلج ياللى انت وشك غريب ياللى انت قلبك محاصرك انساب و ليه تنربط ياللى فى ضهرك جناح احزن عشان تنبسط و موت علشان ترتاحامشى فى حظر التجول واضحك فى عين التسولتعتـر على المفتــاح انساب”

“ضايع منى إزازة الميهو مش راضية الطيارة تطيرراح الصبر و رجع الصبرو تعب القلب و لسه كتيرآه يا تى شيرت العمر ياأبيضلفيت بيك مشاوير مشاويرأملك صورة أنا فيها صغيرشكلى اتغير ما عرفتوشكان فى جيوبى مكعب سكرداب السكر ما لقيتهوش و امّا اتقطعت منى الساعةوقع الوقت لاقيتنى كبيرأعرف واحد قال لواحدإهمل صاحبك و اقسى عليهواحد قال للواحد نفسهانت مزعل صاحبك ليه واحد حاول يعرف واحدطلع الواحد صفر كبير”

“أعوذ بالله قد عمري ما داموأعوذ بالله نفسي أبقي تمامأعوذ بالله من يأس ف الشكوةومن الحوجة اللي ف الشهوةومن العوجة اللي ف الأجسامأعوذ بالله من غواية العينوأعوذ بالله من لقاء جنسينوأعوذ بالله من النَفَسينمن السُكر و من البرشامأعوذ بالمية تنَضَف الأعضاءوأعوذ بالنار تحرق الأخطاءوأعوذ بالنفس اللي غاوية عطاءوأعوذ بالصفا لجل بس أنامأعوذ بالناس تجتمع وتفوقوأعوذ بالرحمة اللي ليها حقوقوأعوذ بالله من دقن قاتلة الحمامأعوذ بالله من وطن سايبوأعوذ بالله من ضمير دايبوأعوذ بالله من رئيس هَدامأعوذ بالله من دخول الخوفوأعوذ بالله م الأذي المحدوفأعوذ بالله ف امتداد الشوفو ف الرغبة ل خطوتين قُدامأعوذ بالله...نفسي أبقي تمام.”

“ولأن خط الميرى أزرق القلم ف الفصل أزرق..ختمُه ختم النسر لازرق واما قال مقلوب وهطفحركبوه البوكس لازرقلبسوه ف السجن أزرقواما أصبح جوا لعنة.. دق وشم اللعنة لازرقوالبنات القطر فاتهمبخ تحت عنيهم أزرقواللى ضايعة تستخبىتحت ليل الهلس لازرقوالجميلة كى لا تُحسدكان لابد الفص لازرقوالولد لفلف ودخنفخ كان دخانه أزرقمص دمه ودارى همهفبنطلونه الجنز لازرقوان قال حرام يرموه فمكانميعرفوش الجن لازرقيبقى ليه لاحمر ولابيض ف العلملما هى لونها أزرق.”

“أنا أعمى على المكشوفأربع أبعاد الشوفالبعد الأول روحيوالبعد التاني طموحيوالبعد التالت جهليوالبعد الرابع خوفالعرض بيسرق منيوالطول مش راضي يعينيوالعمق اتحول سطحيوالوقت بتاكله ظروفويميني ناسية تسميوشمالي بتشرب دميوجبرني الحزن و هَمَيعالمعنى المش معروف”

“السلام عليكم ياللى سيبتونا و نزلتم تحتالسلام عليمن ياللى سيبتونا و طلعتم فوقما بيبكيناش ف غيابكم الا الشوق و ما تفهموش من ضحكتى انى ارتحتلو حد فينا ارتاحيبقى اللى بيغمض ساعة الفراقاما انا ساعة الفراق ... فتحت”

“يا شعب ياللى دفع تمن الشوارع دم احفظ اسامى اللى ماتوا فى الشوارع صم”