“اللي عيطت في حضنهم عشان ناس وجعوك.. هتعيط عشان هم وجعوك في حضن ناس تانيين هيوجعوك بعد كده.. لحد ما توصل لنقطة إنك مش عارف – أصلًا - تتحضن وانت بتعيط.”

“دايما بيبقي في يوم وانت صغير وانت لسه صفحة بيضاء ملوثكش الناس باللي عملوه في الدنيا، وانت لسه شايف الأمل وجواك الحب بتشوف جزء من مستقبلك في ناس بتصدق وناس بتخاف، وناس مبتعرفش إن اللي أنت شفته ده فعلا وبكل جماله وروعته ممكن يكون فعلا مستقبلك.. بس باتخاذك انت القرار بكده.. عشان أي قرار من قراراتك وتصرف من تصرفاتك النهارده هي اللي بتعمل بكرة وتحقق حلمك.. انت شفت الحلم بس انت اللي بتختار تحققه ولا لأ.. بس انت كنت شايف حلمك وحاطط إيدك علي عينك، كنت بتوصل لنقطة معينة.. نقطة أنت حلمت توصلها عشان تعديها لكن أول ما بتوصلها بتخاف تعدي بتلاقي نفسك بتلف وترجع تاني من الأول، عشان تحاول توصلها مع إنك كنت هناك.. من الخوف كنت بتمسك حاجتك اللي بتحبها تقتلها بإيديك بعد كده تندم عليها وتتألم.. كنت بتعمل الحاجات اللي انت مش عايز تعملها وعارف إنك مش عايز تعملها.. وعارف إنك تقدر متعملهاش.. لكنك كنت بتعملها.. كأنك بتكره نفسك أو بتكره تشوف نفسك نجحت أو حققت حاجة يبقي بأي منطق ده.. يخليك ليك الحق تندم عليها”

“في ناس مابيدفعوشتمن حاجات كتيرعملوها..وناس بيدفعواتمن حاجات كتير ماعملوهاش..هي الحياة كدهمجهدةمش معمولة عشان تتفهممعمولة عشان تتعاش ..”

“في ناس عندها شبابيك بتفتحها علشان تشوف وتفهم وتتفرج لحد ما بتتعلم .. وفي ناس عندها مرايات ، مبتبصش الا لنفسها ومش بتقتنع غير بنفسها.. لحد ما بتتجنن”

“برغم ان "الحمار" كائن أليـف وقوي وبيساعد الانسان في مهام كتير وعنده ذاكرة قوية جداً .. لكنه الحيوان الوحيد اللي مش "بيعترض" علي الاهانة والتعذيب اللي بيعرض لها من الانسان عشان كده الحمير عمرها ما هتقوم "بـثورة" ضد الظلم .. وعشان كده الحمار هيفضل طول عمره حمار”

“ و احنا صغيرين لما كنا بنقطع صفحة شخبطنا فيها من الكشكول.......كنا بنقطع الصفحة اللي تقابلها من الناحية التانية عشان ماتقعش من الكشكول بعد ما نكتب فيهاعشان كده لما يبقى في فترة في حياتنا اتشخبط فيها كتير .....وناس لخبطوا فيها كتيرشيلها عشان الحبر مايعَّلِمش في الصفحة اللي بعدهااقطعها ،واقطع الصفحة اللي تقابلهاالصفحة اللي كان فيها أحلام مع الناس ديعشان ماتعيشي في صفحة مافيهاش مكان تكتب فيه حاجة جديدةأو بعد ما تكتب تكتشف إن الصفحة مالهاش أساس و مقطوعة من الناحية التانية و تلاقيها وقعت من الكشكول”