“مِين فينا عارفَك يارب ...و مين فينا لأ ...مين اللي فينا لو قال بَحِبَك .. قالها بحق ؟!!”

“إزاى تعرف مين سابق مين جوا الدايرة و مين فيها فطع أطول مشوار .. مش ممكن برضه اللى ف ضهرك يطلع سابقك و انت اللى حمار ؟؟”

“مين اللي قال البَصْمة شيء مخلوق عشان عقد ابتدائي وفيش جنائي أو ورق البصمة بتقولّك إيديك .. فيهم حاجات مش موجودين مع جنس مخلوق اتخلق”

“الماضي بيمضي حضور يوميا في الكشوفات..مين قال امبارح مات ؟!”

“السلام عليكم ياللى سيبتونا و نزلتم تحتالسلام عليمن ياللى سيبتونا و طلعتم فوقما بيبكيناش ف غيابكم الا الشوق و ما تفهموش من ضحكتى انى ارتحتلو حد فينا ارتاحيبقى اللى بيغمض ساعة الفراقاما انا ساعة الفراق ... فتحت”

“قال الشهيد للشهيد ف السما الأولى الطلقة مش طايشة... و الدولة مسئولة قال الشهيد للشهيد ف السما التانية الأرض طبّت جنبي مقتولة قال الشهيد للشهيد ف السما التالتة الحظ جابنا ...و احنا مش فَلتة قال الشهيد للشهيد ف السما الرابعة الدم حيروح فين ... الدايرة مقفولة قال الشهيد للشهيد ف السما الخامسة الأرض دي ..متبوعة مش تابعة لو كان دَعَاكوا نزول ونا لسة وسطيكوا يبقي ف غيابي تنزلوا أدعى قال الشهيد للشهيد ف السما السادسة ؟مين كان من الانبيا مش قلة مندسة و حكي الشهيد للشهيد م السما السابعة عن ثورة تانية حتيجي .. أقوى م الأولى”

“ما بيبكيناش ف غيابكم إلا الشوقوما تفهموش من ضحكتى إنى ارتحتلو حدّ فينا ارتاح يبقى اللى بيغمض ساعة الفراقأما أنا ساعة الفراق .. فتّحت”