“مَثلُ الذين بِيمشوا ع الكتالوج و بِيعملوا المطلوب .. مِن غير ولا غلطةمَثلُ الذين بِيركبوا المتروو ما يركبوش اتناشر و أربعة بشَرطةلاتنين ما بِيحبوش .. القعدة ع الدكةو بِيكسبوا وقتهم و بِيخسروا السِكَّة”

“بلالين عايشين نِفسهاتلقى حد يصدَّق و يقدرهامُتأكِده مِن إنه عاوِزهامِن غير ما يجرَب يخسرها”

“مفيش احساس لحسن الحظ و لسوئه مبيعديش .. مفيش ولا طعم حاجة من اللى بتدوقه مسيره يعيش .. بحلوه و بمره كله بيتسخط لمفيشيا سبحان اللى بيعودنا ع الحاجة فننساها .. و بيخفف كاسات الناس بميه بدال ما يملاها .. عشان طعم اللى فيها يروح .. عشان طعم اللى فيها يجفيقولوا مجازا المجروح اذا خد ع الوجع .. بيخف .... تلف عليه سواقى الكون تدوب اللى فات ف الجاىفسبحانه لما قال منها جعلنا ( كل شئ حى )”

“أنا لِسه يارب . . بحطة إيدك ع المسرَح....أنا لِسه بحاوِل أستوعِب ف طبيعة الدور ....معييش النَض ... و خايِف بس أتوه و أسرَح...وقت أما تقرر تِكشِفني بـ سبوتّ النور.....”

“هتلقوا ع الوطن مكتوب((لا يؤخذ عن طريق الفم))يا إما تشمَّروا الأكمامعشان تاخدوه يا إما توطّوا على قُدَّام عشان تاخدوهبنى هذا الوطن .. و بنوه”

“75 ترانفيل انا فاضل لسه معاياكام ( اول مرة ) ف جيبى ؟كام عود كبريت ف العلبةمارضيش يولع ع الفاضى ؟كام عود مالوش ولا سابقةف الحرق الا المرة دى ؟اول مرة ادخل سيما مع بنت كانت ف اعدادىكان كدة للموضوع قيمةو بعديها خلاص بقى عادىانا اسف جدا جداع اول مرة اتحرقتع الفاضى و مش وياكىو ابوسك اول بوسةتتباس اصلا ف حياتىو اتأسف بعدك تانىع اول مرة معاكىو اتأسف تانى و تالتع كل كلام اتقالو احرق ف حاجات اتقالتكانت لازم تتشاللبتوع الدور الجاىو الجاى ابقى من الفايتو ميت بيسلم ع حىو الميت و ان كان تافهف بيفضل مالهوش زىف انا هفضل فاكر مىو اول ايد بنت امسكهاو اول شيكولاتة هديةو اول توصيل للبيتو لحد ما فجأة لقيتمش باقى معايا ف جيبىغير كام ( اول ) يتعاشلا اعرف ان كنت هشيلهمولا هابيعهم ببلاشمتشكر جدا جداع وقتك تانى يا دكتور- العفو يا سيدى اتفضلو اديتنى روشتتى تانىمشطوب منها اربع تسطر- مش حاسس انك احسن - من اخر مرة تجيلى ؟مش حاسس اصلا حاجةو ع ايدك اديلىساعتين عمال اتكلمو مش فاكر نص كلامنا- السبت الجاى معادنا ؟لا دنتا الحد .. نسيت- خد بالك بقى من نفسك- و فيه دوا هنكرره تانىانا اصلا هبقى كويس و مفيش حاجة مضايقانىو اخدت الباب ف اديا و ما صدقت انى مشيت.......................كان فاضل لسه سيجارةف العلبة لقيتها معايابس استخسرت اشربهاقبل اما اوصل للبيت”

“يارب ياللي سايبلي الحبل ع الغارب أنا غرقان بدون قارب ومعرفتش أعوم وحدي وكل ما امدلك يديوتنشلني وأعوم شبرين إديا يفلفصوا الاتنين وأقولك سيبلي انا الباقيتسيبلي الحبل ع الغارب تخش المية حلقي .. اشرقفاصرخلك .. وأقول بغرق وأقولك عمري ما حسيبك فتنشلني أعوم شبرين إديا يفلفصوا الاتنين وأسيب إيدكوأعيد الكرّه ميت مرهوماتخذلنيش ولا مرهتقوللي حضنهم برهلا عمره يساع دراع سيدكونا لسه بسيب إيدك !”