“و العمر دايرة..مقفولة صح ..اولها..نلقاه ف الختام”

“قال الشهيد للشهيد ف السما الأولى الطلقة مش طايشة... و الدولة مسئولة قال الشهيد للشهيد ف السما التانية الأرض طبّت جنبي مقتولة قال الشهيد للشهيد ف السما التالتة الحظ جابنا ...و احنا مش فَلتة قال الشهيد للشهيد ف السما الرابعة الدم حيروح فين ... الدايرة مقفولة قال الشهيد للشهيد ف السما الخامسة الأرض دي ..متبوعة مش تابعة لو كان دَعَاكوا نزول ونا لسة وسطيكوا يبقي ف غيابي تنزلوا أدعى قال الشهيد للشهيد ف السما السادسة ؟مين كان من الانبيا مش قلة مندسة و حكي الشهيد للشهيد م السما السابعة عن ثورة تانية حتيجي .. أقوى م الأولى”

“الدنيا اساساً م الاول ..شيء يشبه سلك السماعة ..يتلعبك منك ف ثواني ..و عشان يرجع مفرود تاني ..لازم تتعذب و تعاني ..و تفكه ف أكتر من ساعة ..”

“و أسمع حكايات صاحبي الأنتيم ..و نكلم بعض ..و اسرح و ادوس علي حرف الميم ..دوستين ورا بعض ..و بسيبه ساعات ..لما ازهق من كتر الحكايات ..و اكتبله حاجات ملهاش معنى ..زي الشفرة ..و ابعت للناس ف وشوش صفرا ..و ازعل منها ف أكتب طيب ..و أزعل اكتر ف أكتب ماشي ..و براحتك اصلا ..انا ماشي ..و أما اضحك ادوس علي حرف ال هه ..و علي قد الضحكة افضل دايس ..أزعل ملاقيش للحزن زرار ..و برغم بإني معبّي وشوش ..فعلا ملهوش .. ازاي حختار ؟ ..فيه وش واحشني و عمره ما جه ..مصطفى بيبقولك ..ب ..ر..ب..فيرد يقولي ..ت ..ي ..ت ..ف أطلع و اقفل نور الأوضة ..و اسند بدراعي علي الشباك ..و ابص لفوق ..و اتمنى ساعتها اكون وياك ..و اسرح .. و افوق ..و أما أزهق م الوقفة لوحدي ..إكمن مفيش حد معدي ..ف بطلع شباك الدنيا ..و اكتبله "أنا باك" ....”

“يا بشر عرفاني و عارفه أنا مينبلغوا أسفي لكل البلالينكلنا كنا ف يوم بالونةفقعتنا تجارب بني أدمين”

“إزاى تعرف مين سابق مين جوا الدايرة و مين فيها فطع أطول مشوار .. مش ممكن برضه اللى ف ضهرك يطلع سابقك و انت اللى حمار ؟؟”

“أنا لِسه يارب . . بحطة إيدك ع المسرَح....أنا لِسه بحاوِل أستوعِب ف طبيعة الدور ....معييش النَض ... و خايِف بس أتوه و أسرَح...وقت أما تقرر تِكشِفني بـ سبوتّ النور.....”