“وانا الدرويش بأنزف دم وسع لي الطريق يا عم وماشي بجرحي مش مهتم”

“بص قصادك .. مش عسكر دى ..؟ مش أولاد ناس ..؟ مش دول ليهم أبات وأمّات ..؟مش ليهم ايام عمر وكان المفروض تتعاش..؟ مش تعبت فيهم أهاليهم والا جاية لاجل تموت ..وتموت ليه ..؟ ماتعيش شبابها ليه..؟وماتروحش السيما وما تحبشّ ليه؟حكم الانسان ع الانسان آه م الكاكى يا ولدىالكاكى قانون.”

“كان يغني بأحلي صوت ...يا قمر .. يا رغيف بعيد ...النهارده الحد .. عيد ..الفقير ليه مش سعيد ..والغناي ليه مبسوطين؟يا قمر يابو عمر لسهالعباد ع الحانة كابسة..عاوزه تنسي ..عاوزه تنسي ...والغناي لو يسكروايبقى لجل يفكروا..يسرقوا م المسروقين ؟؟...”

“أيه هيه الغربة يا فاطنه؟وميتى يبقى الواحد منينا في غربه.؟لما يسيب بلده.؟الواحد بلده الحته اللي بيغواها.بيته . الفرشة اللي عينه تنعس جواها.مش يامنه اب بعرور متجوزة حفني العطار.؟مش دي حكاية يا فاطنه قارياها انتي وحافضاها.؟مش قاسمين لا الفرش ولا اللقمة.مش دايقين أيامهم بلسانهموجنوبهم في الليل..بتبات تتقلب.أهي دي الغربة يا فاطنه.جبلاية الفار بلده وبلد جده وده بيت والدهلكن متغرب فيه .”

“يا صديقي.. الوطن ما خبزش عيشهوالتاريخ لو مش كلامنرفض أبوه .....نرفض نعيشه......السلاح من صنع بره.....والكلام من صنع بره......والهوي البارد في بيتي ..صنع برهلا نسجت الهدمه علي نول الخشبولا إيدي بتبني بيتي....جلابيتي ...عمامتي...حواديت الصغارالحلاوه حلوه مره ....شغل بره”

“مش ماشيه معايا حكاية الجوهرة والدرة المكنونة دي.إنتي يا فاطنة أغلى من الجوهرة واجدع م الدرة.وحتى انا مش عارف منة كلمة درة.إنتي يا فاطنه أغلى ما ماسك في ايديا.تحويشتي وعرقي ..واكتر من كل كنوز الدنيا.والمسألة في القول مع فاطنه مش محتاجة كلام.يعنى أنا لو قلتلك جوهره حتقولي معزته زادت؟إنتي عارفه حراجي وعارفه مقدارك.أنا ربنا جابني الدنيا من غير ورثواداني منابي فيكيوما طالب منه غير بس يبارك فيكىويديني الجهد ف دراعيني أقدف بيكى.أغلى عندى من الولد لو ان الولدنضر عيني ..لكن لسه احنا قادرين نعمل ولد.لكن انتي لا قدر رب الناس.ما قدرشي أعكز ف طريقإلا بيكي.ان مالت بيا الدنيا اتكى عليكي.تسندني إيديكي ..وإذا كنت باقول إني في أسوان عال ..فأنا عاللأن العمر منفد ع الجبلاية.والجبلايةفيها فاطنه اللي واخدهابسنة رب الدنيا ورسوله.فمنين جوهره ولا ميهحينوروا زي عنيكي المليانين طيبه وحنيهف لياليا ..؟”

“كل مانت فتحت جبهة جديدة ع السادةساعدت عشاق الحياة على المسيرونزفت دم السادة بزيادةلحد ما ينهار نظامهم البليداللي مقسم الحياةسادة وعبيد”