“ و عشان الراجل كان بيشتغل في غربة و كانت مشاكله في الشغل مضاعفة ، لأنه حاسس إنه ممكن سيكون الشخص الفلاني مش بس منفسن منه و بيزنبقه عشان نفسه ياخد مكانه ، او مش مقتنع بيه ، بس ممكن يكون عشان من الجنسية الفلانية التانية و هما مش بيحبونا ”

“الاهم كل فكرة ومبدأ اقتنعت بيه مش عشان بس ورثتة سمعته قريته او شوفته، بس اقتنعت بيه عشان اول ما سمعته استغربته، انتقدته، حاربته، فكرت فيه، فاقتنعت بيه لما فهمته”

“كل شوية ممكن تتهدلك حقايق , و تكتشف ان كل شئ فى الاخر تقريبا وجهة نظر اكتشفت ان اللى انت حاسس بيه ممكن يكون كدب . اسهل كدب هو انك تكدب على نفسك عشان توصل لغريزتك . و ده اسهل كدب يتصدق . محتاج عشان تقفشه انك تقعد مع نفسك . تحلل افعالها . و نتائج افعلها . تعرف مشاكلك فعلا . تسمع كويس الانتقاد . تحلل نفسك . نعرف هى كدبت عليك عليك ازاى قبل كدا و متنساش ده .”

“الجادون بالنسبة لى اصبح رمز لكل حاجة جاتلى بصعوبة, زى الفلوس الى بتجيلك عشان تعبت فيها مش عشان خدتها كمصروف فاكره حق مكتسب, حب هدته من حد اديته و حبيته مش من اهلك الى بيحبوك من غير سبب, احترام بسبب حاجة مفيدة عملتها مش بسبب خوف او نفاق.”

“و أنا شايف إن نصايح الناس خصوصاً المقربين ليك مش على طول مفيدة, لإن الناس بتنصحك عشان بتحبك, بيحاولوا يخلوك تتجنب الفشل, و الآلام المترتبة على هذا الفشل, و مش عارفين إن ده في معظم الوقت بيوديك للفشل بعينه بأسرع طريق... الخط المستقيم!”

“لو حد قاللك ما ينفعش و انت حاسس انه ينفع.. اعند و اكبسهلو قالك مستحيل..سف التراب عشان تقنعه انه حمار مش فاهم حاجةلو قاللك تف علي قبري..اشرب ثلاث كبايات عصير مانجة و حضر نفسك بكمية بلغم مناسبة”

“فى معادلة صعبة جدا ما بين مثلين مشهورين الأولانى هو مثل يحثك على سماع النصائح بيقولك " مش لازم تدوق الأسفلت عشان تعرف ان طعمه وحش " و الثانى قصة الكتكوت اللى حاول يطلع من البيضة فجه ولد ساعده و كسر له البيضة فالكتكوت طلع من البيضة مشلول عشان عظمه كان طرى”