“رأيت فيما يرى الصائم ان الحياة بقت ازازة مية ساقعة مشبرة و الكل نفسه يدوق ولو بوقين ون البشر صنفين اللي ماتوا م العطش واللي ماتوا شرقانين”

“و حبك ليا مش عشوة وتذكرتين وبوكيه ورد يصالحني لما نتخاصم ولا خناقة مع الواد اللي عينه عليا ومدايقك عشان بتغير و مش صح ان لو واحد أكل حبة سوداني يطير ولا ضفدع بقدرة قادر اتحول ف يوم لأمير وبياض التلج ماتت قبلما يجيلها البطل بكتير ولا الأشرار بيبقى شكلهم معروف ولا بيتفقسوا م الأول ولا بيتمسكوا ف الآخر ف مالآخر و م الانصاف محدش كامل الأوصاف يجوز فعلاً في كل منا شئ مجنون وانا حابة الجنان لكن ياريت تفهمني وتصدق على عكس اللي تتمناه حياتنا بجد مش كارتون”

“وحيث بقا كل شئ عكسي فانا شايفه الحياه ورطة فلو لازم تكون غلطان لانك حد م العايشين يفضل لو بقينا اتنين بجِملت .. كمِّل الغلطه”

“الكتابة تجربة نفسيه مرهقة جدا..تخيل لما (تنكش) روحك وتبعزق اللي ف صندوقك الأسود..عشان تدور علي حاجه بعينها تكاد تكون مش واضحه ليك أنت شخصيا .. .تفتح البيبان اللي كنت قافلهم بالضبه والمفتاح وتسيب الهوا يدخل يرزع فيهم وفيك..كل مرة بتقسم فيها انك مش هتاكل من شجرتها تاني..بس هي بعدها بتعرف تغريك بطريقة جديدة.. زي لعنة مش عارفة تطلع منها..أو جني مش عارف تطلعه منك ..أو مش عاوز!!..أو سبب..أخير.. لبقاءك حي..الكتابة فرصتك انك تسيب علامة علي جدران نفق الموت اللي بيربط بين حياتين..وحالة..مابتنتهبش مع آخر سطر في النص..إنما بتبتدي.،”

“فسيب مشاعرك ف الفطام هتطيب و حب لكن حب وانت غريب القرب .. اصعب حكم اعدام ف التاريخ و الصورة أجمل طول ما هي بعيد”

“ﻭﺍﻧﺎ ﻗﻠﺒﻲ ﺳﺮﺏ ﺣﻤﺎﻡﻣﺨﻠﻮﻕ ﺑﺎﻟﻒ ﺟﻨﺎﺡﻣﺎﻟﻬﻮﺵ ﻳﻜﻮﻥ ﻣﺤﺒﻮﺱﺍﻭ ﻳﻨﺪﻓﻦ ﺑﺎﻟﻐﺼﺐﻑ ﺍﺯﺍﻱ ﻋﻠﻴﺎ ﻳﻀﻴﻖﺍﻧﺎ ﻟﺴﻪ ﻓﻴــــﺎ ﺑــــــــــﺮﺍﺡ”

“مش عايزة ورد ..الورد فيه تغريبة تغري بالحنين .. وأنا غربتي أوسع كتيير منه والحب مش إعلان مؤقت بالحياة ف بوكيه ويومين يكون دبلان..!.مش عاوزة أغنية ..كل الأغاني كدابين .مش عاوزة جاوابات توسِّع المسافات كمان .مش عاوزة وعد بشيء جديد ولاشيك أمل .. من غير رصيـد .مش عايزة ف اللحظا دي غير ..غير إحساس ضروري بالأمـــان”