“وحيث بقا كل شئ عكسي فانا شايفه الحياه ورطة فلو لازم تكون غلطان لانك حد م العايشين يفضل لو بقينا اتنين بجِملت .. كمِّل الغلطه”

“الأنصاص لما بتلاقي ممكن يطلع حد صحيح وساعات بعد الجَبر .. الناتج يفضل برضه كسور فردية فانا مش طالبة أكتر من إنك.. تقبل بس القسمة عليا”

“و حبك ليا مش عشوة وتذكرتين وبوكيه ورد يصالحني لما نتخاصم ولا خناقة مع الواد اللي عينه عليا ومدايقك عشان بتغير و مش صح ان لو واحد أكل حبة سوداني يطير ولا ضفدع بقدرة قادر اتحول ف يوم لأمير وبياض التلج ماتت قبلما يجيلها البطل بكتير ولا الأشرار بيبقى شكلهم معروف ولا بيتفقسوا م الأول ولا بيتمسكوا ف الآخر ف مالآخر و م الانصاف محدش كامل الأوصاف يجوز فعلاً في كل منا شئ مجنون وانا حابة الجنان لكن ياريت تفهمني وتصدق على عكس اللي تتمناه حياتنا بجد مش كارتون”

“لعب القمار ع العمر تعريف الغباء العب فماتخفش الخسارة اخسر فمتبطلش لعب اكسب تخاف من كل شئ حتى انت نفسك تبقا خايف منها متسيبش حاجة معاك اخيرة تحبها لو كنت عايز تكسب اللعبة وتفضل ف السباق”

“وانا زي قالب طوب ممكن يكعبل حد او يبقا جزء ف بيت او يبقا حائط صد أو يسند العجلة لو جات تقف ف مطب وانا عمر قلبي ما حب ولا مرة زي ما عاز الحب كان توكيد للناس وعندي مجاز”

“رأيت فيما يرى الصائم ان الحياة بقت ازازة مية ساقعة مشبرة و الكل نفسه يدوق ولو بوقين ون البشر صنفين اللي ماتوا م العطش واللي ماتوا شرقانين”

“عمرك حسيت إنك محتاج .. حُضن؟مش شرط يكون من حد مُعين أو عارفكوكفاية أوي إنه يكون دافي ومش متكروت ف سلام مستعجل ومجرد بس بروتوكول(للحضن أصول)فتحة دراعين ما تاخدش الا انت وتسيب تفاصيلك برَّك من غير تفسير لتصرُّفها غير رغبة لـ بث الدفا جواك”