“من كتر ما الكوتشي اتقطع كذا مره و صلحته برضه كذا مره أديه داب و مخليني مش عارف ألعب ... و بقيت من أقل شوطه أشوطها صوباعي يطلع يبص ع الشارع من شباك صغير و كل شويه أروح ألحمه .... محتاج أشتري كوتشي جديد و مش أي كوتشي هينفع .. كوتشي جديد بمواصفات معينه ...... و عشان كده محتاج فتره أختار كوتشي يناسبني و محتاج فتره كمان عشان يلين و ياخد شكل رجلي و أرتاح فيه ... بس الكوتشي ده مش هشتريه ... هعمله ع إيدي لإني زهقت من الجاهز و زهقت من كوني لو شوفت حد لابس كوتشي حلو أجيب زيه بالظبط حتي لو هيبقي شكله حلو عليا ... مش شرط الشكل .. المهم الأداء و الفاعليه ... لأول مره حاطط شكل للكوتشي اللي نفسي فيه ... و حاطط برضه شكل معين للآداء اللي هيكون عليه الكوتشي دهبإختصار لازم أشتري كوتشي جديد قريب”

“لو الواحد عايز يجدد حياته و يخلي أيامه كلها فريش كده و جااامده آخر ثينج .. يسمع نصيحتي .. الحل هو إن الواحد يصفي نفسويته كل شويه مع نفسه .. هتقولي إزاي !! .. بص يا سيديهات ورقه و قلم و إكتب اللي جوه نفسويتك .. إكتب و إكتب .. و بعدين قطع الورق .. إكتب و قطع .. مفيش أي مشكله .. هتتعب فـ حاجه!!!! .. وربنا هترتاح .. يا سيدي لو معندكش كشاكيل أو قلم .. إديها كمبيوتر ع الوورد باد ........أقولك !!! بلاش كل دوووول .. روووح ع أقرب مرايه ف بيتكو .. طبعاً كل واحد فينا عنده مرايه ف بيتهم .. روح ع أقرب مرايه .. بص فيها .. كلم نفسك .. معلش ياعم أنا مجنون إستحملني .. أيون كلم نفسك .. ساعات الواحد بيبقي جواه العلاج بتاعه نفسه .. إسال نفسك ياتري انا ممكن اعيش عمر أكتر من اللي عشته ده ؟؟ يعني الحزن اللي أنا فيه و الغضب ده بسبب الروتين هيخلوني اعيش عمر تاني؟! زمانك بتقول دلوقتي ((ياعم دا أنا حاسس إني كبرت 70 سنه و كمان حبه هودع)) عارف ده ليه؟؟؟ عشانك مش فاهم أي ثينج .. أيوه انت مش فاهم أي ثينج لإنك لازم تعرف إن الايام اللي جايه هتعيشها يعني هتعيشها .. بحلوها .. و بمرها .. غصب عنك هتعيشها .. الأقدار هتحاول تغير ف حياتك و حاجات كتير أوووي هتبقي ضدك .. بس حاجه واحده بس هتخليك قادر تواجه كل التحديات و المطبات دي .. الإراده .. كل واحد منزوع الإراده يقول روتين روتين روتين و نفسي أجدد حياتي بس مش عارف .. إعمل كا حاجه .. متحرمش نفسك من أي حاجه .. إكتشف نفسك .. إكتشف كل حاااجه .. الإرداه هي الطريقه اللي هتخليك تجدد حياتك و تبقي إنسان جديد كل فتره و متتحبطش و تبقي كووووول بشكل مش معقووووول .. الهدف :: مصيبه ليكون أساساً معندكش هدف .. من أهم طرق تحقيق النجاح .. و ده مش كلامي .. ده كلام د/ إبراهيم الفقي .. يعني مش بتبقلظ عليكو و بتفلحس -----------------------------------------1- القرارات :أن تقرر أنك ستفعل 2- الرغبة 3- الهدف 4- الأسباب 5- اعتقادك أنك تستحق ذلك وأن تعتقد في قدراتك وتنميها.. 6- أن يكون لديك قيم عليا تحافظ عليها. -----------------------------------------كل ده هيديك تحدي للواقع و هيخليك من إنسان محبط كئيب خارج من فيلم أبيض و إسود لواحد بالألوان كده و آخر نعنشه و مستعد يعمل أي ثينج و مقبل ع الحياه و متفائل حتي لو حصل إيه .. شديد فـ أزمته .. الحل هو الإراده اللي هتدينا التحدي .. و الهدف الأهم من كل شئ”

“ و عشان الراجل كان بيشتغل في غربة و كانت مشاكله في الشغل مضاعفة ، لأنه حاسس إنه ممكن سيكون الشخص الفلاني مش بس منفسن منه و بيزنبقه عشان نفسه ياخد مكانه ، او مش مقتنع بيه ، بس ممكن يكون عشان من الجنسية الفلانية التانية و هما مش بيحبونا ”

“مبحفظش ارقام تليفونات ..لا ارقام ولاد ولا ارقام بنات ..الا رقم واحد ..فيه سبعه و تمانيه ..و اربعة و سته و وواحد ..مش سهل يعني ده وشه زي قفاه ..بس مش عارف ليه اشمعنا ده بالذات ..مش عارف انساه ..يمكن من كتر المكالمات ؟؟يمكن عشان المكالمات كانت بالساعات ؟؟والرسايل بالالافات ؟؟طب اغير انا رقمي ولا اعمل ايه ..مكانش رقم يعني فيه سبعين و تمانيين ..طب احفظ كل ارقام الناس التانيين ..الارقام السهلة و المكلكعين ..يمكن بعدها ..القي الارقام زي بعضها ..وانسي كل الارقام وقتها ..ميبقاش فيها رقم رخيص و رقم غالي ..ولا رقم فقير و رقم عالي ..ولا رقم حبي القديم ..اللي مات و انتهي ..”

“انا دلوقتى كده حاسه انى بكرة هتولد من جديد .. و هبدأ حياة جديدة و مختلفة حياة اخترت فيها حاجات كتير اوى , و بحب فيها حجات كتير اوى و خايفة فيها من حجات كتير اوىخايفة من المسؤولية و خايفة لانى بردو مهما عرفتك حاسة انى لسه معرفكش او لسه متعودتش عليك اوى لدرجة اننا نعيش اربعة و عشرين ساعة مع بعضو قلقانة .. مش عارفة الفرح هيكون ازاى ؟!! يا ترى هتحصل مشكلة تبوظ عليا اليوم الى مستنياه طول عمرى ؟ ولا هيعدى على خير ؟و مش عارفة ازاى بجد بعد ما الفرح يخلص مش هروح مع بابا و ماما !!و فى نفس الوقت فرحااااااااااااااانة اوى اننا اخيرا هيكون بيتنا واحد و لما نكون برة البيت مع بعض و نقول هنروح يبقى دا معناه اننا بردو هنفضل مع بعض مش لكل واحد يروح فى طريق !!يا ربى .. أنا مش عارفة انام , و مش عارفة اصحى .. و مش عارفة افرح ولا اعيط .. عايزة افرح .. و محتاجة اعيط !!عارف احساسى بالظبط يتوصف ازاى ؟ عارف اغنية أغداً القاك؟هى دى ادق وصف لحالتى .."أغداً ألقاك .. ياخوف فؤادى من غدى .. يالـــ شوقى و احتراقى .. فى انتظار الموعدِ”

“يمكن عشان مجنونشايف الحياه من بره جداً..إنماكل الجراح اللي سابتهالي الحياه .. من جوه جداً"فيه ما بين "جداً " و "جداً! إكتئاب و شجن و خوف و هوى و جنون”