“و حبك ليا مش عشوة وتذكرتين وبوكيه ورد يصالحني لما نتخاصم ولا خناقة مع الواد اللي عينه عليا ومدايقك عشان بتغير و مش صح ان لو واحد أكل حبة سوداني يطير ولا ضفدع بقدرة قادر اتحول ف يوم لأمير وبياض التلج ماتت قبلما يجيلها البطل بكتير ولا الأشرار بيبقى شكلهم معروف ولا بيتفقسوا م الأول ولا بيتمسكوا ف الآخر ف مالآخر و م الانصاف محدش كامل الأوصاف يجوز فعلاً في كل منا شئ مجنون وانا حابة الجنان لكن ياريت تفهمني وتصدق على عكس اللي تتمناه حياتنا بجد مش كارتون”

“المتفائل زي اللي سايق طياره و عمال بيخمس بيها ف السما و فجأه ..... قام لابس ف الرصيف .. مع إنه ف السمــا ...!! أما المتشائم زي اللي راكب مع اللي كان سايق الطياره و عمال يقوله خد بالك أحسن نخبط ف الرصيف .. و التاني يقوله يا عم إنتا أهبل؟؟!! ده إحنا ف السما ..!! .. لازم يكون في توازن بين التشاؤم و التفاؤل بس للأسف مش موجود ...”

“قال الشهيد للشهيد ف السما الأولى الطلقة مش طايشة... و الدولة مسئولة قال الشهيد للشهيد ف السما التانية الأرض طبّت جنبي مقتولة قال الشهيد للشهيد ف السما التالتة الحظ جابنا ...و احنا مش فَلتة قال الشهيد للشهيد ف السما الرابعة الدم حيروح فين ... الدايرة مقفولة قال الشهيد للشهيد ف السما الخامسة الأرض دي ..متبوعة مش تابعة لو كان دَعَاكوا نزول ونا لسة وسطيكوا يبقي ف غيابي تنزلوا أدعى قال الشهيد للشهيد ف السما السادسة ؟مين كان من الانبيا مش قلة مندسة و حكي الشهيد للشهيد م السما السابعة عن ثورة تانية حتيجي .. أقوى م الأولى”

“صدقني أنا كان نفسي أتعلّق.. ف حاجات يامَاوأعيش إحساس إن أنا فعلاً من غِيرها هَمُوتأنا أعرف أعيشمِن غير ما أحتاج إني أقرا الوقتمن غير ولا واحد.. م اللي أنا أعرفهم دلوقت”

“الحيلة مش في الرفضوالقوة مش في الرفصالحيلة...في امتثالكللطبيعة اللي ف خيالكوالقوة...في امتنانكللخيال اللي ف طبيعتكوالحيرة ..دي اختياركبين خيالك الطبيعي,واحتمالية ذكائك”

“المراية بعيدة جداً ، و الطريق على مد شوفي ..و الفضول اللي ف عنيا إني اشوفني ..مداري خوفي .. وصف كل الخلق ليا .. ليه تمللي عكس بعضه ؟و كل وصف اتقال عليا .. ليه بييجي عكسه بعده ؟حد شايف اني خايف .. غيره حاسس اني بايع ..حبه فاكرين اني عارف .. حبة عارفين اني ضايع ..طلعوا كل الطبايع ، الصفات الممكنة ..و ارسموني بفرشة تايهة .. م الآراء و الألسنة ..تطلع الصورة الغريبة ..لحد أصلاً مش هنا .. و النتيجة كل مادا .. صورتي تتلخبط زيادة ..و أنسى أصل شكلي إيه ..و للا نفسي أشوفني ليه ..حد زيي بعد فترة ازاي يصدق غير عينيه ؟نفسي أوصل للحقيقة ،، قبل ما اوصل للنهاية..نفسي أشوف صورتي الدقيقة .. و لو دقيقة .. في المراية ..و المراية ..بعـيدة جداً .. و الطريق على مد شوفي ..و الفضول اللي ف عنيا .. إني اشوفني ..مداري خوفي ..”