“السواقه ف مصر عامله زي ما تكون في ميدان موانع .. مثلاً ماشي ف أمان الله كده تلاقي كارو جاي من يمينك مزنق عليك تقوم تتفاداه ع آخر لحظه و الحصان خلاص راسه عندك جوه الكابينه ... كمان شويه واحد بعجله من ع شمالك جاي يلبس فيك تقوم مفرمل أحسن تشيله و بعد ما يحصل خير تلاقيه بيقولك إنتا ما بتشوفشي يا ×××××× .. و بعد ما تتفادي كل دول تلاقي واحد عايز يعدي جري من تحت العربيه تقوم مفرمل جاااامد عشان ماتشيلوش .. و فجأه تلاقي ودنك بتسمع ألفاظ غريبه من اللي كنت هتدوسه ده ع أساس إنك إنتا اللي غلطان ... و هكذا طول ما إنتا سايقالسائق المصري أفضل سائق ف العالم لإنه بيتفادي دول كل يوم”

“المتفائل زي اللي سايق طياره و عمال بيخمس بيها ف السما و فجأه ..... قام لابس ف الرصيف .. مع إنه ف السمــا ...!! أما المتشائم زي اللي راكب مع اللي كان سايق الطياره و عمال يقوله خد بالك أحسن نخبط ف الرصيف .. و التاني يقوله يا عم إنتا أهبل؟؟!! ده إحنا ف السما ..!! .. لازم يكون في توازن بين التشاؤم و التفاؤل بس للأسف مش موجود ...”

“أرخم الأشياء ف الدنيا حاجتيندبانه خضرا كل ما تيجي تهشها ترجعلك تاني و واحد و إنتا متضايق و محتاج هدوء عمال يررررغي لحد ما يجيلك جفاف و ودانك تقع منك ..!”

“سرح و نسي الهموم و تاه وسط النجومو حلمبعيون جريئه .. بضحكه بريئه .. بنسمه رقيقه إتجوزها و عاش ف الحلم كإنه حقيقهصحي من حلمه لقي جنب منهواحده خنيقه .. عيونها قايده حريقه .. خلت الأوضه مضيئهضحكتها غميقه .. شكلها زي الخطيئه .. و قلتله بنبره مرعبه و بطيئهصباح الخير يا حبيبييا مطفي لهيبييا اللي هواك ليا طبيبيمقدرش يحوش من عيونه تبريقهو ف عقل باله شتمها بألفاظ بذيئهو قام قايل بكل هدوء أجمل صباح لأجمل جميلهو ف عقل باله قال صباح الندم ع أبشع جريمهبتعايش معاها و بتحاسب عليهاو بقت حكايه ع طول بحكيهايا ريتني سمعت كلام منير احلم و إنتا فايقيا ريت عمري كان زي ما بهاء سلطان قال 3 دقايقبعد كده هحلم و أنا فايق ..!!”

“بوابة تفتيش على بابك....كل ما أحاول أعدي تزمر....و بتتشرط....و بتتأمر...أرجع أدور تاني و أدور...وكل ما أعدي برضه تزمر....طب آدي الساعه....و آدي حزامي...و آدي بطاقتي...و النضارة...و آدي عنواني....و كل حكايتي..و آدي أمارة...حتى الفكه الباقيه ف جيبي...والاشعار...و المحفظه مفيهاش غير صورتك..ليل و نهار..كل هدومي..زي ما نازل من بطن أمي..من غير حتى ورقة توت..و كل ما فوت..البوابه برضك بتزمر..و لما لمحني..واحد طيب م الحراس..و قاللي اسمعني يا ابن الناس..إرمي الحته الحلوه ف قلبك..و عدي..و البوابه عمرها..ما تزمر..”

“حاجات كتير مبتبقاش شايفها و إنتا جوه الصوره .. و لما تطلع براها بتشوفها و بتوضح أوي .. زي لما يبقي ليك دور في مسرحيه و شغلك الشاغل إنك تأدي الدور ع أكمل وجه...!”