“وراكل كلمة سبتها و طلعت فيه كلمتين مارضوش . ورا كل دمعة سبتها و نزلت فيه دمعتين مارضوش . وراكل كاس حزن فضيته بالنسيان فيه ألف كاس مليان بيزيدوا مابيفضوش”

“و أسمع حكايات صاحبي الأنتيم ..و نكلم بعض ..و اسرح و ادوس علي حرف الميم ..دوستين ورا بعض ..و بسيبه ساعات ..لما ازهق من كتر الحكايات ..و اكتبله حاجات ملهاش معنى ..زي الشفرة ..و ابعت للناس ف وشوش صفرا ..و ازعل منها ف أكتب طيب ..و أزعل اكتر ف أكتب ماشي ..و براحتك اصلا ..انا ماشي ..و أما اضحك ادوس علي حرف ال هه ..و علي قد الضحكة افضل دايس ..أزعل ملاقيش للحزن زرار ..و برغم بإني معبّي وشوش ..فعلا ملهوش .. ازاي حختار ؟ ..فيه وش واحشني و عمره ما جه ..مصطفى بيبقولك ..ب ..ر..ب..فيرد يقولي ..ت ..ي ..ت ..ف أطلع و اقفل نور الأوضة ..و اسند بدراعي علي الشباك ..و ابص لفوق ..و اتمنى ساعتها اكون وياك ..و اسرح .. و افوق ..و أما أزهق م الوقفة لوحدي ..إكمن مفيش حد معدي ..ف بطلع شباك الدنيا ..و اكتبله "أنا باك" ....”

“زمان فيه حد علمناف درس الديندعاء بيقول :يا خالق كل شئ ناقص .. كمالته معاكيا شايل من الحاجات حتة .. بنترجاكبحق المشهد الكاملو اسمك اللى انا عرفتهتسيب اللى يكفيناو تكفينا بما سبتهما تحوجناشلجاى مجاشو ترضينا بما جبتهو ندعى وراه بصوت عالىيرج الفصل رج خفيفو اكمل دعوتى ف سرى( و ترحم قلبى ف شيبته )كما تدعو الفروع الاصلدعوتهاف كل خريف”

“الكوتشى اللى باش ..م اللف فى شوارعك ..يحرم عليه ..يبوس أرض غيرك ..و القلب القماش ..المكوى بعمايلك ..لساه معبق .. بريحة عبيرك ..و الواد اللى عاش ..طول عمره يحايلك ..و نفسه إسمه ..ييجى فى رسايلك ..و تبعتيله تطمنيه ..إن انتى عارفة ..إن أنتى ليه ..و إن أنتى قايمة و نايمة بيه ..وقت الشتا يتدفى بيكى ..ووقت الخطر تتحامى فيه ..وساعة أما بيقسى عليكى ..وساعة أما بتدعى عليه ..محدش فيكوا بيهداله بال ..وأول ما تصفى تفكى الريال ..و تروحى تجيبيله كوتشى بدال ..الكوتشى اللى باش ..”

“عشان فيكى منى فى طبع الجنان ..عشان فيا منك فى طبع الحنان ..عشان احنا نسخة ..عشان احنا مُسخة ..عشان فيه تشابه بشكل ابن وسخة ..عشان فى ف دروبنا علامات كزالك ..وعشان فيه ف دروبنا علامات كذلك ..برغم ان مفهاش ولا درب سالك ..وعشان احنا أصلًا سوا من زمان ..بحبك ..لذلك ..وأكتر ..كمان ..عشان مش ضرورى ..يكون فيه عشان”

“مأساة الزمن أنه لا توجد فيه لحظة تتكرر مرتين .. و إنما هو نهر دائم الجريان يتغير فيه الماء باستمرار و بلا توقف …”

“جئت في زمن تعقد فيه كل شيء وضعف صوت الفطره حتى صار همسا و ارتفع صوت العقل حتى صار لجاجه و غرورا و اعتدادا”