“إوعى تنام لحسن تصحى تلاقي الكرباج لونه اتغير فتفكر ثانية إن الكرباج ما بقاش كرباج”

“إوعى تنام لحسن تصحى تلاقي عينك عيانة فما تعرفش تعيط”

“إوعى تنام لحسن تصحى تلاقي الدنيا مش لساها الدنيا يمكن تلقاها بتجري على سرير الإنعاش مستنية الموت”

“إوعى تنام لحسن تصحى تلاقي ايديك مرعوشة من الخوف ومراية وشك بتبص عليك بس بترسم وش حمار”

“إوعى تنام لحسن تصحى تلقى بلدكوا مغمى عليها وبايتة في وسط الطل .”

“إوعى تنام لحسن تحلم من غير ما تحس والحلم اللي ما يصرخش في وشك بشجاعة ممكن جداً يبقى هلاكك”

“فاكرين يوم ما الشمس اتخاصمت ويا الدنيا واتحايلت ع الضلمة تحل مكانها لحد ما تتعود ع الحيرة والتكشيرة اللي اترسمت في وشوش الخلق”