“انا دلوقتى كده حاسه انى بكرة هتولد من جديد .. و هبدأ حياة جديدة و مختلفة حياة اخترت فيها حاجات كتير اوى , و بحب فيها حجات كتير اوى و خايفة فيها من حجات كتير اوىخايفة من المسؤولية و خايفة لانى بردو مهما عرفتك حاسة انى لسه معرفكش او لسه متعودتش عليك اوى لدرجة اننا نعيش اربعة و عشرين ساعة مع بعضو قلقانة .. مش عارفة الفرح هيكون ازاى ؟!! يا ترى هتحصل مشكلة تبوظ عليا اليوم الى مستنياه طول عمرى ؟ ولا هيعدى على خير ؟و مش عارفة ازاى بجد بعد ما الفرح يخلص مش هروح مع بابا و ماما !!و فى نفس الوقت فرحااااااااااااااانة اوى اننا اخيرا هيكون بيتنا واحد و لما نكون برة البيت مع بعض و نقول هنروح يبقى دا معناه اننا بردو هنفضل مع بعض مش لكل واحد يروح فى طريق !!يا ربى .. أنا مش عارفة انام , و مش عارفة اصحى .. و مش عارفة افرح ولا اعيط .. عايزة افرح .. و محتاجة اعيط !!عارف احساسى بالظبط يتوصف ازاى ؟ عارف اغنية أغداً القاك؟هى دى ادق وصف لحالتى .."أغداً ألقاك .. ياخوف فؤادى من غدى .. يالـــ شوقى و احتراقى .. فى انتظار الموعدِ”

“بقالى سنة بالتمام و الكمال مش قادرة أقرأ!! و رغم ان فضولى للمعرفة ما انتهاش, بالعكس لكن "السلام" اللى كنت مطمئنة دايما انى حا لاقيه فى القراية, ما عدتش قادرة أبحث عنه فيها, و مش عارفة هل السبب فى ان الصيغة دى اللى ربما تكون بتحولك الى متأمل صرف لم تعد قابلة للاستمرار, و لو بحكم المرحلة دى من العمر؟ أم ان السبب فى الحرمان الطويل, العريق, من الدفء الانسانى الكافى لبعث الاطمئنان و القوة فى القلب, ليجترىء على مصاعب رحلة الكشف و التمرد... انه جف خلاص و ما عادش قادر يقتات على فتات قديمة, معظمها كان - فى الواقع - أوهام اتحطمت, كأن قدرتى على الاستمرار بعد الصدمات, كانت هى القدرة على تجديد الوهم! ... كنت دايما باعزى نفسى بالظن بانى أخطأت السبيل لمقصدى, و أواصل البحث محملة بنفس الأوهام غير منقوصة, عن الجمال فى بشر غير اللى عرفتهم, و فى النهاية, لما باتطلع داخلى مش لاقية غير مقبرة جماعية.”

“حاجات كتير ماعدش باقي لىّ فيها غير الحلم ، و انا مش هافرط فيه أبدًا .”

“بحس فيك حاجات كتيربس اكتر ما بحبه فيك رجولتك و حنيتكياريتنى افضل طول عمرى معاك و شوف ازاى هسعدكبتمنى بس من ربى تفضل جنبى و كل لحظه تمر امشى معاك سكتكو عارفه احساسك ناحيتى زى احساسى و يمكن اكتر شويهو صدقنى انا هفضل ليك على طول وفيهانا حبى ليك اصلا مش حاجه عاديهبحبك و بتمنى تكون ليا”

“التدخين ضار جدا بالصحة و يسبب الوفاة "أول مرة أكتشف اني بدخن كان من فترة قصيرة ، هو مش تدخين بالمعنى الحرفي ولكن له تأثير مشابه ، أدركت اني بعمل حاجة ومش حابب أبطلها و مش عاوز أبطلها و عارف انها غلط ،حاولت كتير .. لا انا بكدب محاولتش ولا حاجة لانى مش عاوز أبطل ، أنا عاوز أنسي .. لا بكدب تانى أنا حتى مش عايز انسي .. أنا اخدت قرار وحيد في حياتى بعد ما كان اى حد هو الى بيمشيني ، انا مش مستعد اتنازل عن القرار ده لانه هو الى بيحسسنى انى صاحي وعايش .. انا بحبك”

“بعدين مبارك سادات فاروق ما حدش دامهو احنا شعب كده ما بيعيشلناش حكامعقبال جيراننا و حبايبنا كمان يا سلاملو كل من له رئيس نصحى نلاقيه قلبه……….يا مصر لسه و لسه الثورة بلة ريقما ينتهيلك طريق الا و يبدا طريقيا شعب مصر تعالى نتفق يا شقيقرج الملك قبل ما تنعم عليه لقبهرجه كده شوف ان كان الملك شغالو اسأل عليه المكوجى و اسأل عليه البقالو اهم حاجة فى صفاته انه يكون يتشالمتربى عال لما يمشى يلتزم ادبه………..بتكون فى احسن حالاتك و انت مش محكومبتباة رايق و لا ظالم و لا مظلومو بعدين ده ايه غبى ده اللى يهددك بالشوميا مخلى الف احتلال ينزل على ركبهيا شعب انت اللى كارم كل من حكمكالدولة دى عارفة تحكم بس من كرمككشرلها و هى هتجيلك تبوس ادمكما فيش حاجة اسمها مليون راجل اتغصبوا…….سايق عليك النبى ما تقول كفاية يا شيخالملحمة لما تخلص يبدا التاريخو بكرة جاية حروب فيها لهب و صريخو بكرة نصرك يخض الشمس من لهبهسايق عليك النبى ما تقول كفاية كدهمن النهاردة انتصاراتك هتبأة كدهيا شعب مصر اللى رجالته و بناته كدهحلال عليه لبن العصفورة لو طلبهسايق عليك النبى ما تقول كده كفايةافرح و كمل و ما تقولش كده كفايةالثورة دى بداية زى الهجرة و الميلادالثورة دى بسملة كمل بأة الايةمع كل مرة قراية حسنها يزدادو الايه تجرى تسلم اختها الرايةمن غير نهاية و حتى الوقف مش معتادو بكرة ايامنا تبقى حكاية و روايةعن ناس يباتوا حفايا ويصبحوا اسياد…….”