“الصداقة الحقيقية في انك تعرف ازاي تعرف تسامح نجاح صديقك”

“الصداقة الحقيقية فى أنك تعرف ازاى تعرف تسامح نجاح صديقك”

“كل شوية ممكن تتهدلك حقايق , و تكتشف ان كل شئ فى الاخر تقريبا وجهة نظر اكتشفت ان اللى انت حاسس بيه ممكن يكون كدب . اسهل كدب هو انك تكدب على نفسك عشان توصل لغريزتك . و ده اسهل كدب يتصدق . محتاج عشان تقفشه انك تقعد مع نفسك . تحلل افعالها . و نتائج افعلها . تعرف مشاكلك فعلا . تسمع كويس الانتقاد . تحلل نفسك . نعرف هى كدبت عليك عليك ازاى قبل كدا و متنساش ده .”

“فى معادلة صعبة جدا ما بين مثلين مشهورين الأولانى هو مثل يحثك على سماع النصائح بيقولك " مش لازم تدوق الأسفلت عشان تعرف ان طعمه وحش " و الثانى قصة الكتكوت اللى حاول يطلع من البيضة فجه ولد ساعده و كسر له البيضة فالكتكوت طلع من البيضة مشلول عشان عظمه كان طرى”

“لو مقتنع إن النجاح كعكة لازم تلحق تاخد نصيبك منها , ده معناه انك معندكش ثقة في إن رزق ربنا واسع وممكن يكفينا كلنا ,وإن كل واحد نصيبه العادل على قد ما تعب مش على قد ما هبش من حق غيره”

“هى الفكرة انك تبصلها كلعبة.. الفكرة كلها فى انت باصص لكل حاجة ازاى؟.. سميها لعبة أصعب.. احسن ما تسميها مشكلة او مصيبة.. فده هيحبطك.. فتبدأ لعبك/عملك/جهادك/تعبك بروح سلبية تدمرك قبل ما تبدأ.”

“ليه نقعد فى مصر ؟ علشان هنا فيه حياة, فيه مجتمع مفنجل, فيه ديليفرى الساعة 4 الصبح , قهاوى على مدار الساعة , موبايلك فيه نمر بالعبيط لناس تفضفض معاهم وتحس انك انسان فيه حد مهتم بيك , العالم الغربى عالم وحيد بالنسبة لينا , كئيب حتى على ناسه اللى اتربوا فيه , عالم بينام بدرى وبيقفل زرار الياقة وخنيق , احنا عندنا مجتمع صوته عالى , وعشرى ودا مهم للنفسية فعلا .”