“السم لو كان في الدوا منين يضر ؟و الموت لو عدونا .. منين يسر؟حط القلم في الحبر و اكتب كمان.. و العبد للشهوات .. منين هو حر؟عجبي !!!”

“فارس وحيد جوه الدروع الحديدرفرف عليه عصفور وقال له نشيدمنين .. منين.. و لفين لفين .. يا جدعقال من بعيد و لسه رايح بعيدعجبي!!!”

“حتة محارة وجدتها في يوم لقيـة** قالت لي شوف كيف الطبيعة شقيةنظرت للكهف اللي فيها و لقيــــت** إن الطبيعة كمان لا أخلاقيــــــــــة*** عجبي !!!!”

“في يوم صحيت شاعر براحة و صفا الهم زال و الحزن راح و اختفي ... خدني العجب و سألت روحي سؤال .. أنا مت ؟و لا وصلت للفلسفة عجبي”

“بلياتشو قال إيه بس فايدة فنونــــي ؟و تلات وقق مساحيق بيلونونـــــــي؟و الطبل و المزامير و كتر الجعـــــــير..إذا كان جنون زبوني زاد عن جنوني.؟ عجبي”

“يا طير يا عالي في السما: *طـــــظ فيك*. ما تفتكرشي ربنا مصطـفيك. برضـك بتاكل دود و للطين تعود. تمص فيه يا حلو -و يمص فيك. عجبي”

“غمض عينيك و ارقص بخفة و دلعالدنيا هي الشابة و انت الــــــــجدعتشوف رشاقة خطوتك تعبــــــــدكلكن انت لو بصيت لرجليك ....تـقععجبي !!”