“حتى الذي ضرني لا ضاق يحزني... ماعندي أعداء ، كل الناس صدقاني”

“الناس سدّادة سلف يوم الرخا باكر يضيع... ما بي اسوي حاجة أصبح عليها نادمهأبحث بقلب التجربه وآخذ من أحداث الجميع... عبره تساعدني على صدمات وقت قادمهبعطي واسامح للبشر وأحسن مع الكل الصنيع... حتى إذا جار الزمن القى صديق انادمهودي على طول الزمن أكون منديل الفجيع... أحب أعمّر ما أرتضي أكون لحظة نادمه”

“يامدمن الهم كافي دمع بالليلي... بكره تشبع من الدنيا ومصايبهادنياك والله ماتسوى التزاعيلي... حتى ولاهيب كفو الي يعاتبها”

“يمه يايمه فديتك لاتخليني... بعثرني الهم وأبغى يديك تجمعنييمه افهميني تراك ان مافهمتيني... مافيه شخص بهالدنيا بيسعمنيماعدت انا طفلتك كبرت شوفيني... خليك يمي ترى الا طماع تتبعنيلا تدلليني أبي منك تدليني... وابي ايديك تداعبني وتصفعنيولا انهد حيلي أبي عطفك يقويني... ياما كلامك على الشدات شجعنيوان جيتك ابكي ابي منك تهديني... مابيك تبكين أبغى العقل ينفعنييا مملكة عطف يا عطر الرياحيني... براثن الهم والهوجاس تلسعنيبسمتك عندي الا من ضقت تكفيني... وارضاك عني عن الاحزان يرفعنياسمى العلاقات تربط بينك وبيني... ياللي احضانك ان ضاق الكون تاسعنيلك احترامي وحبي والوفا فيني... وفيك اروع الحب مايخطي ويخدعني”

“تشوف عيني جملة الناس عدوان... وعقلي يقول اصابعي ماتشابهوقلبي تبلد من عقب جرح خوان... ماعاد يرد العلم عقب الاصابهفي صمت تجري بي تصاريف الازمان... امشي وعلم الغيب مايندرى بهواحس بالغربه وانا وسط اوطان... يتيمة بين الاهل والقرابةاوراق مع ظرفين , صورة وديوان... والغلطة اني مدمنة بالكتابه”

“لاترفع الصوت ماني فيك مجبوره.... قررت دربي وصوتك ما يوقفنيأرضى أنا بقاسيه أرضى بمغروره... ولا أرضى بعشرة حبيب ما تشرفنيياما وياما وياما قلت بحروره... حاول تغيير ترى وضعك يكلفنيخلنا نتفاهم تعال نوضح الصوره... إما انت تمشي معي او لا توفقنيمسرور فيني وانا مانيب مسروره... حبي يشرفك وحبك ما يشرفني”

“أنا أبيك وحش يحتوي داخله عصفور... وانا ابيك طفل يحتوي داخله رجالأبيك الأب بالعطف والأخ بالمعسور... أبيك أمي بالتدليل ومداعب الجهّالانا أبيك تاج الستر ياعاري المستور... أعاف العقل وانجن مادامهم عقّالأبيك المطاع الطايع المنذل المغرور... انا أبيك جوعي وشبعتي والفقر والمالأنا أبيك تشكيلة عواطف كما البلور... أبي تحتوي كل التناقض مع الاشكالأباصير انا وياك داخل بعضنا ندور... ياحتى نضيع وين كنا مع المدخالخلاص انتهى صبري وتلاشت خيوط النور... أبعلن جنوني وش نلت من عالم العقال؟؟”