“المؤامرة هى إننا ممكن طول عمرنا نفضل كده , ندور وخلاص وغالبا مش بنكون عارفين بندور على إيه ؟ ويضيع العمر وكأنه مكنش واحنا لسه برده بندور , وفى الاخر خالص بنعرف إن اللى كنا بندور عليه جنبنا أوى ويمكن كمان ساكن معانا ويمكن بنقول اسمه كل يوم من غير ما نحس أما المؤامرة الحقيقية بقى إنك ممكن تعرف الحقيقة دى ومن خيبتك متصدقش .”

“ساعات بنمثل إننا مكسوفين أوى , بس الحقيقة إننا مش مكسوفين , احنا بس بنمثل , وساعات بسأل نفسى ؟ ليه ساعات بنمثل ؟! عارفين الإجابة لقتها سهلة , علشان المشهد اللى احنا فيه يبقى كامل زى ما المفروض يكون ويتقال عننا , ساعات كتير أوى بنعمل حاجات بتتقال علشان يقولوا علينا طبيعيين , مش اكتر من طبيعيين”

“إحنا عمرنا ما هنبيع حاجة ملكناها حتى لو كانت ملهاش أي تلاتين لازمة.. وممكن نحارب كمان بكل قوتنا لو حسينا إنها هتروح من إيدينا رغم إنها يا أخي لا هتقدم ولا هتأخر لو خسرناها..بس إحنا البشر كده”

“الأغبيا بس هما اللي بيتصوروا إن الفرصة ممكن تيجي مرة تانية..”

“فى حاجات فى حياتنا بنحس إنها متكررة ودايما بيكون عندنا إحساس إن فى حاجة ناقصة مع التكرار ده علشان كده دايما بنحس إننا لازم ندور فى مكان تانى وهو ده الحب حاجة ناقصة فى وسط حاجات كتير متكررة”

“ربنا دايماً بيختار لينا الأصلح والأنسب في حياتنا حتى لو كنا مش فاهمين كده دلوقتي.. أكيد بنفهم حكمته دي بعدين..”

“آخر ناس بتفكر فيهم هما أول ناس ممكن تساعدك..”